Ekonomikalıq izertlewler hám reformalar orayı tárepinen bahalanǵan Isbilermenlik belsendiligi indeksi (IBI) 2025-jıl aprel ayında 1099 birlikti qurap, 2025-jıl mart ayına salıstırǵanda 9,9 procentke hám ótken jıldıń usı dáwirine salıstırǵanda 22,3 procentke sezilerli artqan.

Xojalıq júrgiziwshi subektlerdiń bank esap betlerindegi operaciyalar sanı 17,2 procentke artqan. Tovar-shiyki zat birjasında shiyki zat satıp alıw jedelligi 9,6 procentke artqan. Jumıs alıp barıp atırǵan xojalıq júrgiziwshi subektler boyınsha komponent 2,8 procentke azayǵan. Tovar belgileri boyınsha komponent 21,8 procentke artqan.
Isbilermenlik belsendiligi indeksi 13 aymaqta ótken ayǵa salıstırǵanda ósiwi baqlanǵan. Sonıń ishinde, Qaraqalpaqstan Respublikası (33,8 procent), Nawayı (26,9 procent), Samarqand (18,2 procent), Xorezm (15,6 procent) wálayatlarında hám Tashkent qalasında (15,3 procent) sezilerli dárejede ósiw baqlanǵan. Biraq Isbilermenlik belsendiligi indeksi Qashqadárya wálayatında (1,8 procent) tómenlegen.
14 aymaqta yuridikalıq tárepler arasındaǵı bank operaciyalarınıń sanı ótken ayǵa salıstırǵanda artqan. Atap aytqanda, Tashkent qalası (19,1 procent), Qaraqalpaqstan Respublikası (16,3 procent), Jizzaq (16 procent), Nawayı hám Surxandárya (14,8 procent) wálayatlarında sezilerli ósiw baqlanǵan.
Respublikalıq tovar-shiyki zat birjasında tovarlar sawdasınıń ulıwma aylanısınıń kólemi 2025-jıl aprel ayında 8 030,5 mlrd. sumdı qurap, bul kórsetkish ótken ayǵa salıstırǵanda 8,7 procentke artqan.
Jumıs alıp barıp atırǵan xojalıq subektleri boyınsha komponent 2025-jıl aprel ayında 0,9723 birlikti qurap, ótken ayǵa salıstırǵanda 2,8 procentke, sonday-aq, bul kórsetkish ótken jıldıń usı dáwirine salıstırǵanda 4,4 procentke azayǵan.
2025-jıldıń aprel ayında barlıq túrde jumıs alıp barıp atırǵan xojalıq júrgiziwshi subektlerdiń sanı ótken ayǵa (469 296 birlik) salıstırǵanda 4 561 birlikke artıp, 473 857 birlikti quraǵan.
Iri isbilermenlik penen shuǵıllanıwshı kárxanalardıń sanı bolsa 627 ge azayǵan.
Esap beriw dáwirinde, kishi kárxanalardıń sanı 372 887 den 377 833 ke artqan (ósiw 4 946). Sonday-aq, fermer xojalıqlarınıń sanı 91 725 ten 91 967 ge (+242) artqan. Iri isbilermenlik penen shuǵıllanıp atırǵan subektlerdiń sanı 4 057 di qurap, 2025-jıldıń mart ayına salıstırǵanda 627 ge azayǵan.
Sawda belgilerin qorǵaw boyınsha indeks 1,2183 birlikti qurap, bul kórsetkish 2025-jıldıń mart ayına salıstırǵanda 21,8 procentke artqan. Yuridikalıq shaxslar tárepinen 413 tovar belgileri hám tovar atamaları dizimnen ótkerilgen.

ÓzA