Mákan puqaralar jıyını baslıqların saylaw mapazı orınlarda qızǵın dawam etpekte. Máhállede jasawshı jergilikli xalıqtıń qatnasıwında ashıq-aydınlıqta alıp barılıp atırǵan saylaw nátiyjesinde mákan puqaralar jıyını baslıqların saylaw mapazı nızamshılıq tiykarında alıp barılıp, aymaq xalqı ózleri múnásip dep bilgen talabanına dawıs bermekte.

Nókis rayonı “Baqanshaqlı” awıl puqaralar jıyını baslıǵın saylaw máresimi de ashıq-aydınlıqta ótkerildi.
Saylaw nátiyjesine bola, qatnasqan saylawshılardıń qollap-quwatlawı menen kóp dawıs toplaǵan talaban, Nurılla Sultanov “Baqanshaqlı” awıl puqaralar jıyını baslıǵı lawazımına saylandı.
Ilajda shıǵıp sóylgenler máhálleni abat etiw, xalıqtıń mashqalasın saplastırıw hám jaqsı turmısta jasawshı ushın qolaylı sharayat jaratıwda óz wazıypasınan kelip shıǵıp jumıs alıp baratuǵın mákan puqaralar jıyını baslıǵına isenim bildirip, aldaǵı jumıslarına tabıslar tiledi.

Qaraqalpaqstan xabar agentligi