Azanǵı awqatta konfet, pechene hám soǵan uqsas mazalı zatlardı jew densawlıqqa zıyan keltiriwi múmkin, dedi kardiolog Xose Abelyan Ispaniyanıń La Razon basılımına bergen intervyuinde.

Qánigeniń aytıwınsha, azanǵı awqat kún dawamındaǵı “metabolik ton”dı belgilep beredi, insan ózin qalay seziwi tikkeley onıń sapasına baylanıslı.
Kópshilik mazalı ónimler – toyınıw mexanizmin buzıp, ishteydi kúsheytetuǵın hám kóp awqat jewge alıp keletuǵın asa qayta islengen ónimler bolıp esaplanadı. Sonıń menen birge, olar quramında organizm ushın kerekli vitaminler, minerallar, beloklar, paydalı maylar hám quramalı uglevodlar derlik ushıraspaydı.
Qalaberdi, mazalı azanǵı awqattan soń qanda glyukoza muǵdarı artıp, artıqsha salmaq toplanıwı hám júrek-qan tamır kesellikleri itimalı kóbeyedi, immun sisteması tómenleydi, dedi Abelyan.
Soǵan qaramastan, kardiolog mazalı zatlardan pútkilley waz keshpewge shaqırdı.
“Másele mazalı nárseni waqtı-waqtı menen jewde emes, al tolıq awqatlanıwdı oǵan almastırıwda,” – dep atap ótti.

Qaraqalpaqstan xabar agentligi