“Ózbekstan Respublikası Ádillik ministrligi janındaǵı Yuridikalıq kadrlardı qayta tayarlaw hám mamanlıǵın arttırıw institutı jumısın shólkemlestiriw ilajları haqqında”ǵı Húkimet qararı qabıl etildi.

Qararǵa bola, tómendegiler yuridikalıq kadrlardı qayta tayarlaw hám mamanlıǵın arttırıw institutınıń tiykarǵı wazıypaları etip belgilendi, sonıń ishinde:
– ádillik uyımları hám mákemeleri xızmetkerleri, yuridikalıq xızmet, advokatura, notariat, sud ekspertizası, arxiv isi hám is júrgiziw, atqarıw tártibi, múrájatlar menen islesiw, mediaciya hám intellektuallıq múlk tarawları qánigelerin qayta tayarlaw hám olardıń mamanlıǵın arttırıw;
– xalıqaralıq kólemde Ózbekstan máplerin múnásip kórsete alatuǵın yuridikalıq kadrlardı xalıqaralıq standartlar boyınsha professional oqıtıw;
– joqarı maǵlıwmatqa iye bolǵan shaxslardı yuridikalıq qánigelik boyınsha qayta tayarlaw;
– ulıwma orta, orta arnawlı hám professional bilimlendiriw mákemelerinde huqıqıy pánlerden sabaq beretuǵın, joqarı yuridikalıq emes maǵlıwmatqa iye pedagog kadrlardı qayta tayarlaw, sonday-aq, professional hám joqarı bilimlendiriw sistemasında huqıqıy pánlerden sabaq beretuǵın pedagog kadrlardıń belgilengen dáwirlilikke muwapıq mamanlıǵın arttırıw;
2025-jıl 1-aprelden:
– ádillik uyımları hám mákemeleriniń xızmetkerlerine gezektegi mártebeli dárejeler olar Instituttıń arnawlı qánigeligin arttırıw kursların tabıslı tamamlaǵannan soń beriledi.
– ádillik uyımları hám mákemeleri xızmetkerleri hám yuridikalıq xızmet, advokatura hám notariat tarawları boyınsha yuridikalıq kadrlardıń bilim hám kónlikpelerin turaqlı arttırıp barıwdı názerde tutatuǵın kredit-modul mexanizmine tiykarlanǵan úzliksiz kásiplik rawajlandırıw sisteması engiziledi.
Sonday-aq, Institutta 2025-jıl 1-maydan shańaraqlıq mediaciya jumısları boyınsha puqaralar jıyını baslıqları professional mediatorlıqqa biypul oqıtıladı.

ÓzA