Ózbekstan Respublikası Ishki isler hám Densawlıqtı saqlaw ministrlikleriniń xızmetkerleri sırt elde ata-ana qaramaǵınan ayrılǵan balalardı Ózbekstanǵa qaytarıw maqsetinde xızmet saparı menen Qazaqstanǵa jónep ketti.

Ata-ana qaramaǵınan ayrılǵan 10, atap aytqanda, Atıraw qalasında 1, Almatı qalasında 8 hám Manǵıstaw qalasında 1 bala mámleketlik járdemge mútáj bolıp, jumısshı topar wákilleri tárepinen olardı óz shańaraqlarınıń qushaǵına qaytarıw rejelestirilgen.
Sociallıq qorǵaw milliy agentligine qaraslı «Insan» sociallıq xızmetler orayı qaytarılıp atırǵan balalardıń shańaraqlıq ortalıqqa qaytıwı ushın barlıq zárúr ilajlardı ámelge asırmaqta.
Sociallıq qorǵaw milliy agentligi IIM hám basqa da birge islesiwshi shólkemler menen birgelikte sırt elde qıyın jaǵdayǵa túsken balalardı Watanǵa qaytarıw hám olarǵa sociallıq járdem kórsetiw boyınsha ilajlardı dawam ettirmekte.

Muhayyo Toshqaraeva,
ÓzA