Ózbekstan Respublikası Prezidentiniń Qararı

Mámleketimizde hayal-qızlardı qádirlew, olardıń iygilikli arzıw-niyetlerin qollap-quwatlaw hám óziniń talantı, áhmiyetli ideya hám baslamaları, ibratlı ámeliy isleri hám erisken jetiskenlikleri menen jaslarǵa úlgi bolıp kiyatırǵan, sociallıq-ekonomikalıq turmısımızdaǵı ózgerisler procesinde belsene qatnasıp, Watanımızdıń rawajlanıwı jolında kúsh-ǵayratı, zamanagóy bilim hám tájiriybesi, ruwxıy-intellektuallıq potencialın kórsetip atırǵan qızlarımızdı múnásip xoshametlew maqsetinde:
1. Shańaraq hám hayal-qızlar komiteti janındaǵı Zulfiya atındaǵı Mámleketlik sıylıǵı komissiyasınıń Qaraqalpaqstan Respublikası, wálayatlar hám Tashkent qalasınıń talantlı qızların jaqsı minez-qulqı, ayrıqsha talantı, ziyrekligi, intakerligi, oqıwdaǵı jetiskenlikleri hám bilimlendiriw, ilim, ádebiyat, mádeniyat, kórkem óner, sport, málimleme texnologiyaları tarawlarında hám jámiyetlik jumısta erisken ayrıqsha jetiskenlikleri ushın Zulfiya atındaǵı Mámleketlik sıylıq penen sıylıqlaw haqqındaǵı usınısları qosımshadaǵı dizimge muwapıq maqullansın.
2. Zulfiya atındaǵı Mámleketlik sıylıq penen sıylıqlanǵanlarǵa 8-mart- Xalıqaralıq hayal-qızlar kúni múnásibeti menen ótkeriletuǵın bayram saltanatlarında sıylıq diplomları hám kókirek belgileri tapsırılsın.
3. Ózbekstan Respublikası Еkonomika hám qarjı ministrligi Zulfiya atındaǵı Mámleketlik sıylıq iyeleriniń hár birine bazalıq esaplaw muǵdarınıń 50 esesi muǵdarında aqshalay sıylıq beriliwin támiyinlesin.
4. Ózbekstan Respublikası Prezidenti Administraciyası janındaǵı Málimleme hám ǵalabalıq kommunikaciyalar agentligi, Ózbekstan Milliy málimleme agentligi, Ózbekstan Milliy teleradiokompaniyası hám basqa ǵalaba xabar qurallarına Zulfiya atındaǵı Mámleketlik sıylıq iyelerinniń ibratlı jumısı, olardıń ayrıqsha talantı hám erisken jetiskenliklerin keńnen sáwlelendirip barıw usınıs etilsin.
5. Usı qarardıń orınlanıwın qadaǵalaw Ózbekstan Respublikasınıń Bas ministri A. Aripov hám Ózbekstan Respublikası Prezidenti keńeygóyi Ǵ. Mirzaevqa júklensin.

Ózbekstan Respublikası
Prezidenti Sh.Mirziyoev

Tashkent qalası,
2025-jıl 3-mart

Ózbekstan Respublikası Prezidentiniń
2025- jıl 3-marttaǵı PQ–86-sanlı qararına qosımsha

Zulfiya atındaǵı Mámleketlik sıylıq penen sıylıqlanǵanlar
DIZIMI

Qaraqalpaqstan Respublikası boyınsha:

Tóremuratova Biybinaz
Kenesbay qızı – Tashkent málimleme texnologiyaları universitetiniń Nókis filialı kompyuter injiniringi qánigeligi boyınsha 1-basqısh magistrantı

Ibragimova Shaxzada Alisher qızı – Olimpiada hám milliy sport túrleri boyınsha Nókis joqarı sport sheberligi mektebiniń kórkem gimnastika boyınsha treneri