Ózbekstan Respublikası Prezidentiniń qararı

Mámleketimizde 9-may – Eslew hám qádirlew kúnin keńnen belgilew, Ekinshi jer júzilik urısta erisilgen jeńiske úles qosqan urıs hám miynet veteranlarına jáneWatannıń rawajlanıwı, progresi hám onı qorǵaw ushın gúresken ullı ata-babalarımızǵa ayrıqsha itibar hám tereń húrmet kórsetiw, sonday-aq, ǵárezsizlik jıllarında xızmet wazıypasın orınlaw waqtında qaytıs bolǵan áskeriy xızmetkerler hám huqıq qorǵaw uyımları xızmetkerleriniń esteligin ulıǵlaw elimizde ullı qádiriyatqa aylanǵan.
Xalqımızdıń Watandı qorǵaw jolındaǵı joqarı mártlik hám qaharmanlıqları barlıq áwladlar ushın úlgi hám ibrat mektebi wazıypasın atqarıp kelmekte. Atap aytqanda, Ekinshi jer júzilik urısqa ózbekstanlılardıń 2 millionǵa shamalası jiberilip, sonnan 538 mıńnan aslamı urıs maydanlarında qaharmanlarsha qaytıs bolǵan, 158 mıńnan artıǵı dáreksiz joǵalǵan, ǵárezsizlik jıllarında 200 ge shamalas áskeriy xızmetkerler hám huqıq qorǵaw uyımlarınıń xızmetkerleri mámleketimizdiń tınıshlıǵı hám paraxatshılıǵı jolında óz janın pidá etken.
Biz tınıshlıq hám ǵárezsizlik ushın óz janın ayamaǵan ata-babalarımız hám márt batırlarımızdıń úlken erligi, shıdamlılıǵı hám pidayılıqların júregimizde máńgi saqlaymız.
Ekinshi jer júzilik urısta erisilgen jeńistiń 80 jıllıǵı hám Eslew hám qádirlew kúnine puqta tayarlıq kóriw, onı joqarı dárejede ótkeriw, Ózbekstan xalqınıń tariyxıy qaharmanlıǵı, pidákerlik miynetin ulıqlaw, jas áwladtı ana Watanǵa sadıq, búgingi tınısh turmıstı qásterlep-saqlaytuǵın insanlar etip tártiyalaw maqsetinde:
1. Keń jámiyetshilik wákilleriniń elimizde Ekinshi jer júzilik urısta erisilgen jeńistiń 80 jıllıǵı hám 9-may – Eslew hám qádirlew kúnin (keyingi orınlarda – Eslew hám qádirlew kúni) «Watannıń rawajlanıwı, tınıshlıǵı hám qorǵaw jolındaǵı qaharmanlıq umıtılmaydı» súreni astında ótkeriw haqqındaǵı usınısına kelisim berilsin.
2. Tómendegiler:
9-may – Eslew hám qádirlew kúnine baǵıshlanǵan ilajlarǵa tayarlıq kóriw hám olardı ótkeriw baǵdarlaması (keyingi orınlarda – Baǵdarlama) 1-qosımshaǵa muwapıq;
9-may – Eslew hám qádirlew kúnine baǵıshlanǵan ilajlarǵa tayarlıq kóriw hám olardı ótkeriw boyınsha jumısshı quramı 2-qosımshaǵa muwapıq tastıyıqlansın.
3. Jumısshı topar (A.Aripov):
Ekinshi jer júzilik urıs qatnasıwshıları hám front artı miynet veteranları, ǵárezsizligimizdi bekkemlew, xalqımızdıń tınıshlıǵı, mámleketimizdiń rawajlanıwı jolında mártlik hám pidayılıq kórsetken watanlaslarımızdı eslew, házirgi waqıtta tiri bolǵan miynet veteranları hám kekselerimizge húrmet-izzet kórsetiwge qaratılǵan ilajlar joqarı dárejede ótkeriliwin shólkemlestirsin;
bul kategoriyadaǵı shaxslardıń jasaw ornına mámleketlik uyımlar hám basqa shólkemlerdiń basshıları, áskeriy bólimlerdiń komandirleri, mámleketlik hám jámiyetlik ǵayratkerler, veteranlar, ilim, mádeniyat hám kórkem óner ǵayratkerleri, jaslar, sonıń ishinde, «Vatan tayanchi» balalar hám jas óspirimler áskeriy-watansúyiwshilik háreketi aǵzalarınıń saparların, olardıń kórsetken mártlik hám erlikleriniń áhmiyetin úgit-násiyatlawǵa qaratılǵan ruwxıy-aǵartıwshılıq ilajlardı shólkemlestirsin;
jalǵız hám kem támiyinlengen Ekinshi jer júzilik urıs qatnasıwshılarınıń jasaw orınların ońlaw, abadanlastırıw boyınsha tiyisli ilajlardı ámelge asırsın;
Ekinshi jer júzilik urıstıń hár bir qatnasıwshısı hám onıń aqıbetinde mayıp bolǵan shaxslar, front artı miynet veteranları, ǵárezsizlik jıllarında xızmet wazıypasın orınlaw waqtında qaytıs bolǵan yamasa mayıp bolıp qalǵan áskeriy xızmetkerler hám huqıq qorǵaw uyımlarınıń xızmetkerleri hám olardıń shańaraq aǵzalarına materiallıq hám ruwxıy járdem kórsetiliwin támiyinlesin;
Ekinshi jer júzilik urıs qatnasıwshıları hám onıń aqıbetinde mayıp bolǵan shaxslarǵa hám 1941-1945-jıllardaǵı urıs dáwirindegi miynet frontı qatnasıwshılarına Ózbekstan Respublikası Prezidentiniń atınan bir márte tólenetuǵın aqshalay sıylıq saltanatlı túrde tapsırılıwın shólkemlestirsin;

Qaraqalpaqsha Transliterator | Қарақалпақша Транслитератор, [20.02.2025 11:27]
Ekinshi jer júzilik urıs qatnasıwshıları hám onıń aqıbetinde mayıp bolǵan shaxslarǵa, front artı miynet veteranlarına «Ekinshi jer júzilik urıstaǵa jeńistiń 80 jıllıǵı» yubiley medalların saltanatlı túrde tapsırsın;
Ekinshi jer júzilik urıs qatnasıwshıları hám onıń aqıbetinde mayıp bolǵan shaxslardıń hár birine medicinalıq xızmet kórsetiw hám olarǵa qaraw maqsetinde medicina qánigelerin belgilengen tártipte shártnama tiykarında biriktirgen halda turaqlı túrde patronaj xızmetin jolǵa qoysın;
Ekinshi jer júzilik urıs qatnasıwshıları hám front artı miynet veteranlarına olardıń qálewlerine bola respublika aymaǵındaǵı sanatoriylarǵa bir baqlawshısı menen bir mártelik biypul jollamalar beriliwin támiyinlesin.
4. Qaraqalpaqstan Respublikası Ministrler Keńesi, wálayatlar hám Tashkent qalası hákimlikleri, Qorǵanıw ministrligi, Ishki isler ministrligi, Milliy gvardiya, Kámbaǵallıqtı qısqartıw hám bántlik ministrligi, Mádeniyat ministrligi, Respublikalıq Ruwxıy-aǵartıwshılıq orayı, Sport ministrligi hám Jaslar isleri agentligi menen birgelikte:
Qaraqalpaqstan Respublikası, wálayat, qala hám rayonlarda Eslew hám qádirlew kúnine tayarlıq kóriw hám onı ótkeriw boyınsha kompleksli ilajlardı ámelge asırsın;
Qaraqalpaqstan Respublikası, wálayatlar oraylarındaǵı «Vatanparvar» baǵları hám basqa da belgilengen orınlarda mámleketlik hám jámiyetlik ǵayratkerler, veteranlar, ilim, mádeniyat hám kórkem óner ǵayratkerleri, jaslar, «Temurbekler mektebi» hám Jaloliddin Manguberdi atındaǵı áskeriy-akademiyalıq liceyler oqıwshıları, sonıń ishinde, «Vatan tayanchi» balalar hám jas óspirimler áskeriy-watansúyiwshilik háreketi aǵzalarınıń qatnasıwında «úsh áwlad ushırasıwlar»n shólkemlestirsin;
kósheler hám maydanlar Eslew hám qádirlew kúnine baǵıshlanǵan kórgizbeli úgit-násiyatlaw quralları menen bezeliwin támiyinlesin.
5. Eslew hám qádirlew kúni ilajların ótkeriw hám hár qıylı aymaqlarda jasawshı Ekinshi jer júzilik urıs qatnasıwshıları hám front artı miynet veteranlarınıń wákillerin bul ilajlarǵa tartıw menen baylanıslı barlıq qárejetler:
Qaraqalpaqstan Respublikası hám wálayatlarda – tiyisli jergilikli byudjetler hám qáwenderlik qayırqomlıqları hám nızamshılıqta qadaǵan etilmegen basqa dárekler esabınan;
Tashkent qalasında – Tashkent qalası hákimliginiń rezerv qarjıları, qáwenderlik qayırqomlıqları hám nızamshılıqtan qadaǵan etilmegen basqa da dárekler esabınan;
milliy hám zamanagóy sport túrleri boyınsha eslew turnirleri hám «Men jeńimpaz» juwırıw marafonları – Baǵdarlamada belgilengen juwapker orınlawshı ministrlik, uyımlar hám shólkemlerdiń qarjıları esabınan qaplanadı.
6. Qorǵanıw ministrligi Tashkent qalası hákimligi menen birgelikte «Jańa Ózbekstan» baǵında 2025-jıl 9-may kúni saat 21:00 de Eslew hám qádirlew kúnine baǵıshlanǵan bayram salyutin shólkemlestirsin.
7. Ishki isler ministrligi, Milliy gvardiya hám Ayrıqsha jaǵdaylar ministrligi saltanatlı ilajlar ótkeriletuǵın hám bayram salyuti shólkemlestiriletuǵın orınlarda jámiyetlik tártipti saqlaw, puqaralardıń qáwipsizligin támiyinlew, ayrıqsha jaǵdaylardıń aldın alıw hám órt qáwipsizligin támiyinlew ilajların kórsin.
8. Ózbekstan Milliy teleradiokompaniyası, Ózbekstan Milliy málimleme agentligi, «Dúnya» málimleme agentligi hám basqa da ǵalaba xabar qurallarına Eslew hám qádirlew kúnine tayarlıq kóriw hám onı ótkeriw menen baylanıslı processlerdi keńnen sáwlelendirip barıw usınıs etilsin.
9. Usı qarardıń orınlanıwın qadaǵalaw Ózbekstan Respublikası Bas ministri A.N.Aripovqa hám Ózbekstan Respublikası Prezidenti janındaǵı Qáwipsizlik keńesiniń xatkeri V.V.Maxmudovqa júklensin.

Ózbekstan Respublikası
Prezidenti Sh.MIRZIYoEV
Tashkent qalası,
2025-jıl 19-fevral