Ózbekstan Respublikası Prezidentiniń Pármanı

Mámleketimizde 9-may – Eslew hám qádirlew kúni ulıwma xalıqlıq bayram sıpatında keńnen belgileniwin, sonday-aq, Ekinshi jer júzilik urısta qaytıs bolǵan ata-babalarımızdıń esteligin máńgilestiriw, búgin de qatarımızda turıp, Watanımızdıń abıray-mártebesin joqarılatıwǵa, jaslardı ádep-ikramlılıq jaqtan tárbiyalawǵa úles qosıp atırǵan veteranlardı húrmetlew hám Ekinshi jer júzilik urısında erisilgen jeńistiń 80 jıllıǵı múnásibeti menen urıs qatnasıwshıları hám mayıplıǵı bolǵanlardı, olarǵa teńlestirilgen shaxslardı hám, 1941-1945-jıllardaǵı urıs dáwirindegi miynet frontı qatnasıwshıların materiallıq xoshametlew maqsetinde:
1. Bir mártelik aqshlalay sıylıq belgilensin:
Ekinshi jer júzilik urıs qatnasıwshıları hám mayıplıǵı bolǵanlardıń hár birine 10 000 (on mıń) AQSh dolları muǵdarında;
Ekinshi jer júzilik urıs qatnasıwshılarına teńlestirilgen shaxslardıń hár birine 25 000 000 (jigirma bes million) sum muǵdarında;
1941-1945-jıllardaǵı urıs dáwirindegi miynet frontı qatnasıwshılarınıń hár birine 3 000 000 (úsh million) sum muǵdarında.
2. Usı Pármandı orınlaw menen baylanıslı bolǵan qárejetler Ózbekstan Respublikasınıń respublikalıq byudjeti qarjıları esabınan ámelge asırılsın.
3. Qaraqalpaqstan Respublikası Ministrler Keńesi, wálayatlar hám Tashkent qalası hákimlikleri Qorǵanıw ministrligi, Mámleketlik qáwipsizlik xızmeti, Ishki isler ministrligi, Milliy gvardiya, Еkonomika hám qarjı ministrligi, Mádeniyat ministrligi, Sociallıq qorǵaw milliy agentligi, Ózbekstan máhálleleri associaicyası, Respublika Ruwxıylıq hám aǵartıwshılıq orayı, Ózbekstan veteranlarınıń sociallıq jumısın qollap-quwatlaw «Nuroniy» qorı menen birgelikte Ekinshi jer júzilik urıs qatnasıwshıları hám mayıplıǵı bolǵanlarǵa usı aqshalay sıylıq saltanatlı túrde tapsırılıwın támiyinlesin.
4. Usı Pármannıń orınlanıwın qadaǵalaw Ózbekstan Respublikası Bas ministri A.N.Aripovqa júklensin.

Ózbekstan Respublikası Prezidenti
Sh. MIRZIYoEV
Tashkent qalası,
2025-jıl, 19-fevral