Usı kúnleri Tashkent qalasında boks boyınsha Ózbekstan chempionatı bolıp ótpekte. Chempionatqa elimizdiń barlıq aymaqlarınan kúshli sportshılar qatnaspaqta.

Sonıń ishinde, ótkerilip atırǵan jarısta Qaraqalpaqstan saylandı komandası aǵzaları da tabıslı qatnasıp atır.
Atap aytqanda, qızlar arasında -60 kg salmaqta Rashida Tagirova, -66 kg da Aysánem Sárwarova, erler arasında -60 kg salmaqta Madiyar Daniyarovlar finalǵa shekem barlıq qarsılasların jeńip shıǵıwǵa miyasar boldı.
Endi altın medal ushın gúreste Rashida Tagirova Sitora Turdibekova menen, Aysánem Sárwarova bolsa, Navbahor Hamidova menen bellesiwge shıǵadı.
Al, úmitli jas boksshimiz Madiyar Daniyarov bolsa, Shohruh Abdumalikov penen
Ózbekstan chempionlıǵı ushın gúreske túsedi.
Sportshılarımızǵa áwmet yar bolıwın tilep qalamız.

Adilbay Orazov,
Qaraqalpaqstan xabar agentligi sholıwshısı