Oliy Majlis Nızamshılıq palatasınıń májilisinde «Ózbekstan Respublikası Konstituciyasınıń jańa redakciyada qabıl etiliwi múnásibeti menen Ózbekstan Respublikasınıń ayırım nızam hújjetlerine ózgerisler hám qosımshalar kirgiziw haqqında»ǵı nızam joybarı kórip shıǵıldı.

Nızam joybarı menen Jınayat-processual kodeksi hám «Sudlar haqqında»ǵı nızamǵa bir qatar ózgerisler menen qosımshalar kirgizilmekte.
Sonıń ishinde, adamnıń sudlanǵanı hám bunnan kelip shıǵatuǵın huqıqıy aqıbetler onıń tuwısqanlarınıń huqıqların sheklewge tiykar bolıwı múmkin emesligin názerde tutatuǵın ózgerisler menen qosımshalar kirgizilmekte.
Dodalawlar dawamında deputatlar ayırım normalar boyınsha anıqlastırıwshı sorawlardı ortaǵa tasladı hám juwap aldı. Bul nızam joybarınıń qabıl etiliwi jańa redakciyadaǵı Konstituciyamızdıń sózsiz hám tolıq ámelge asırılıwına, puqaralardıń sud arqalı qorǵalıwınıń kepilliklerin támiyinlewge xızmet etedi. Nızam joybarı ekinshi oqılıwda qabıl etildi.

Muhtarama Komilova,
ÓzA