Ózbekstan «Adolat» SDP Qaraqalpaqstan Respublikası Keńesi tárepinen 14-yanvar Watan qorǵawshıları kúni múnásibeti menen Nawayı mámleketlik kánshilik hám texnologiyalar universiteti janındaǵı Nókis kánshilik institutı menen birgelikte «Watandı qorǵaw muqaddes wazıypa» atamasında ushırasıw keshesi shólkemlestirildi.
Ilajdı institut direktorınıń Jaslar máseleleri hám ruwxıy-aǵartıwshılıq isleri boyınsha orınbasarı, partiya belsendisi D.Qurbaniyazov kiris sóz benen ashtı hám jıynalǵanlardı bayram múnásibeti menen qutlıqladı.
Bayram keshesinde nuraniy áskeriy xızmetkerler O.Ayapov hám D.Turımbetovlar ózleriniń jaslıq dáwirleriniń Awǵan urısına tuwra kelgenligin, kórgen qıyınshılıqları haqqında aytıp berip, elimizdegi tınıshlıqtıń qádirine jetiwge, onı qásterlep saqlap tatıwlıqta jasawǵa shaqırdı.
Ózbekstan «Adolat» SDP Qaraqalpaqstan Respublikası Keńesi baslıǵınıń orınbasarı Sh.Tóreshova mámleketimizde milliy armiyamız sistemasında ámelge asırılıp atırǵan reformalar haqqında aytıp ótip, jaslardı bilim alıp, el-jurtımızdıń keleshegi ushın xızmet etiwge shaqırdı.
Ilaj sońında nuraniy áskerlerge partiya tárepinen tayarlanǵan estelik sawǵaları tapsırıldı.
Qaraqalpaqstan xabar agentligi