Ózbekstan Respublikası Prezidenti Shavkat Mirziyoev Birlesken Arab Ámirlikleri Prezidenti Shayx Muhammad bin Zoid Ol Nahayannıӊ mirát etiwine bola, 13-16-yanvar kúnleri rásmiy sapar menen usı mámlekette boladı.

Sapar sheӊberinde Abu-Dabi hám Dubay qalalarında ushırasıӯ hám ilajlar ótkeriliӯi názerde tutılǵan.
Mámleketimiz basshısı Ámirlikler paytaxtında Prezident Shayx Muhammad bin Zoid Ol Nahayan menen eki tárepleme sóylesiӯler ótkeredi, mámlekettiӊ jetekshi mámleketlik shólkemleri, kompaniya hám bankleriniӊ basshıları menen ushırasadı, sonday-aq, «Abu-Dabi turaqlı raӯajlanıӯ hápteligi» xalıqaralıq sammitinde qatnasadı.
Dubay qalasında Birlesken Arab Ámirlikleri vice-prezidenti, Bas ministri, Dubay Ámiri Shayx Muhammad bin Rashid Maktum menen ushırasıӯ ótkeriliӯi rejelestirilgen.
Sapar kún tártibinen Ózbekstan – BAÁ doslıq hám kóp táreplemeli sheriklik qatnasıqların jáne de bekkemleӯ, investiciyalar, «jasıl» energetika, infrastruktura, sanlastırıӯ, jasalma intellekt, inoovaciyalıq raӯajlanıӯ, turizm hám basqa kóplegen tiykarǵı baǵdarlarda ámeliy birge islesiӯdi keӊeytiӯ máseleleri orın alǵan. Mádeniy-gumanitarlıq almasıӯdı jedellestiriӯge ayrıqsha itibar qaratıladı.
Xalıqaralıq hám regionallıq siyasattıӊ áhmiyetli tárepleri de kórip shıǵıladı.
Joqarı dárejedegi sóylesiӯler juӯmaǵında eki mámleket arasında keӊ kólemli birge islesiӯdi jáne de raӯajlandırıӯǵa qaratılǵan salmaqlı kelisimler toplamı qabıl etiliӯi kútilmekte.

ÓzA