Angliya chempionı «Manchester Siti» Abduqodir Husanovtı óz quramına qosıp alıwǵa jaqın turıptı.
«Championat.asia» basılımınıń málim etiwinshe, «Siti»ge futbolshı boyınsha rásmiy usınıs jibergen hám Abduqodirdi 50 mln evro esabınan satıp alıwǵa tayar ekenligin bildirgen. Bunnan aldın «Lans» ózbekstanlı futbolshını 40 mln evroǵa satıp alıwǵa tayar ekenligi haqqında maǵlıwmatlar berilgen edi.
Óz gezeginde insayder-jurnalist Fabricio Romano bolsa, Husanovtıń «Siti»ge ótiwine az ǵana qalǵanlıǵın atap ótti.
Al, jáne bir insayder Nikolo Skiranıń málim etiwinshe, Husanov Angliya klubı menen transfer bahası 50 mln evro bolǵan bes jıllıq shártnamaǵa qol qoyadı.
Sonı aytıp ótiwimiz kerek, Husanovtı «Lans» 2023-jılı Belarustıń «Еnergetik BGU» klubınan 100 ming evroǵa satıp alǵan edi hám usı máwsimde 20 jastaǵı futbolshı Franciya chempionatında 13 oyında maydanǵa tústi.
Adilbay Orazov,
Qaraqalpaqstan xabar agentligi sholıwshısı