Qaraqalpaqstan Respublikası Pedagogikalıq sheberlik orayında 2025-oqıw jılınıń ashılıwına arnalǵan ilaj ótkerildi.
Oǵan Qaraqalpaqstan Respublikası Mektepke shekemgi hám mektep bilimlendiriwi ministriniń orınbasarı M.Shlimbetova, Qaraqalpaqstan Respublikası Pedagogikalıq sheberlik orayı jámááti, tıńlawshılar qatnastı.
Ilajdı Qaraqalpaqstan Respublikası Pedagogikalıq sheberlik orayı direktorı V.Bekmuratova ashıp hám qatnasıwshılardı jańa oqıw jılınıń baslanıwı menen qutlıqlap, Ózbekstan Respublikası Prezidentiniń 2024-jıl 21-iyundegi «Mektepke shekemgi hám mektep bilimlendiriwi shólkemleri xızmetkerlerin úzliksiz kásiplik rawajlandırıw sistemasın jetilistiriw boyınsha qosımsha ilajlar haqqında»ǵı hám Ministrler Kabinetiniń 2024-jıl 20-dekabrdegi “Mektepke shekemgi hám mektep bilimlendiriwi xızmetkerlerin úzliksiz kásiplik rawajlandırıw sistemasın jetilistiriw haqqında”ǵı qararlarınıń mazmun-mánisi hám áhmiyeti haqqında aytıp ótti.
Qarar tiykarında qánigelikti arttırıw sistemasına bir qatar ózgerisler kirgizilgen.
2025-jıl yanvardan baslap hár bes jılda bir márte (100 saatlıq oqıw baǵdarlaması, 1 ay dawamında) jumıstan ajıratılǵan halda (offlayn) ótkeriletuǵın qánigeligin arttırıw kursları engiziledi. Kurslarda bilim alıwshılardıń bilimin bahalaw processleriniń pedagog kadrlarǵa qánigelik kategoriyasın beriw hám olardı kásiplik sertifikatlaw sistemaları menen úzliksizligi támiyinlenedi.
Ilajda qatnasıwshılar óz-ara pikir alısıp, ózlerin qızıqtırǵan sorawlarǵa juwap aldı.
Qaraqalpaqstan xabar agentligi.