Hár jılı Jańa jıl bayramı aldınan erteńgi keleshegimiz iyesi bolǵan balalarǵa bayram keypiyatı inam etilip, «Prezident sawǵaları»n tapsırıw dástúrge aylanǵan.
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Taqıyatas rayonındaǵı «Balalar úyi»nde tárbiyalanıp atırǵan balalarǵa Prezident sawǵaların tapsırdı hám jańa jıl bayramı menen qutlıqladı.
Shıraylı etip bezelgen shırsha átirapında shólkemlestirilgen bayram keshesinde kishkeneler tárepinen tayarlanǵan oyınlar miymanlar názerine usınıldı.
Balalar hámiyshe Prezidentimizdiń itibarı hám ǵamxorlıǵında ekenligi atap ótilip, bayram qarsańında olarǵa Prezidentimizdiń sawǵaları tapsırıldı.
Sonıń menen birge, Joqarǵı Keńes Baslıǵı Taqıyatas «Balalar úyi»nde balalarǵa jaratlıǵan imkaniyatlar menen tanıstı.
Qaraqalpaqstan xabar agentligi