Albaniyanıń Tirana qalasında Islam tileklesligi sport associaciyası (ISSA)nıń 13-Bas assambleyası ótkerildi.

Jáhán sportınıń eń abıraylı sport shólkemleriniń biri esaplanǵan ISSA májilisiniń Xalıqaralıq gúres associaciyası Prezidenti Haydar Farmon da qatnasıp, ISSA Prezidenti shaxzada Abdulaziz Bin Turki Al-Faysal hám Bas xatker mırza Nasir Majali menen sóylesiwler ótkerdi.
Sóylesiwlerde ISSA Prezidenti Kurash islam qádiriyatlarına say keńpeyil sport túri ekenligi atap ótildi hám ol Islam tileklesligi oyınlarınıń bir bólegine aylanǵanın járiyaladı.
2025-jılı Saudiya Arabstanınıń Ar-Riyod qalasında bolıp ótetuǵın Islam tileklesligi oyınlarında Kurash boyınsha rásmiy bellesiwler ótkeriledi. Ushırasıw dawamında Islam xalıqları arasında gúresti jáne de rawajlandırıw, tálim hám úgit-násiyat baǵdarlarında bir qatar wazıypalardı orınlaw sıyaqlı minnetlemeler kelisip alındı.
Bul processtiń bir bólegi sıpatında tez arada IKA texnikalıq direktorı ISSA Texnikalıq departamenti menen birgelikte jarıs ushın salmaq kategoriyaları hám basqa texnikalıq táreplerin juwmaqlaw boyınsha ushırasıwlar belgilendi.
2025-jılǵı Islam tileklesligi oyınları Saudiya Arabstanı Patshalıǵı tárepinen ótkeriledi hám bul qarar pútkil dúnya jámiyetshiligi ushın úlken tabıs bolıp tabıladı.

Qaraqalpaqstan xabar agentligi