«Qaraqalpaqstannıń qıyın awhalǵa túsip qalǵan aymaqlarında turaqlı awıl xojalıǵı óndiris sistemaların rawajlandırıw» joybarı Energy Globe Award 2024 abıraylı sıylıqtıń milliy jeńimpazı dep tabıldı.
Bul jetiskenlik Ózbekstan Respublikası Еkologiya, qorshaǵan ortalıqtı qorǵaw hám klimat ózgeriwi ministrligi, Xalıqaralıq innovaciya orayı (IICAS) hám Qaraqalpaqstan awıl xojalıǵı ilimiy-izertlew institutı (KARI) sıyaqlı bir qatar shólkemlerdiń nátiyjeli birge islesiwi sebepli ámelge astı. Ásirese, Xalıqaralıq shorlanǵan jerlerde bioawıl xojalıǵı orayı (ICBA) nıń jetekshiligi, texnikalıq ekspertizası hám óz jumısına sadıqlıǵı ayrıqsha itibarǵa ılayıq.
Bul joybardıń maqseti Aral teńizi ekologiyalıq daǵdarısınıń aqıbetlerin jumsartıw hám klimat ózgeriwine beyimlesiw maqsetinde Qaraqalpaqstannıń bekkem aymaqları ushın turaqlı, klimatqa shıdamlı óndiris sistemaların rawajlandırıw hám engiziwden ibarat.
Abu-Dabi rawajlanıw qorı (ADFD)nıń járdeminde ámelge asırılıp atırǵan bul joybar xalıqaralıq nátiyjeli birge islesiwdiń jarqın úlgisi bolıp esaplanadı. Bul jetiskenlik jer daǵdarısı mashqalaların hám turaqlı rawajlanıwdı sheshiwde birgeliktegi kózqaras áhmiyetli ekenligin kórsetedi.
Bul joybar dúnya kóleminde úlgi bolıp, basqa mámleketlerdi de usınday baslamalardı ámelge asırıwǵa iytermeleydi.
ÓzA