Ózbekstan Respublikası Prezidentiniń 2024-jıl 2-fevraldaǵı «Ulıwma orta bilim beriw mákemelerinde oqıwshılardı shet tili hám zamanagóy kásiplerge oqıtıw boyınsha qosımsha ilajlar haqqında» ǵı qararına muwapıq 2024-2025-oqıw jılınan baslap kásip-ónerge oqıtıwdıń jańa sisteması engizildi.
2024-2025-oqıw jılınan baslap tájiriybe-sınaw sıpatında respublikamızdaǵı jámi 17 ulıwma orta bilim beriw mekteplerinde oqıwshılardı kásip -ónerge úyretiw boyınsha kásiplik tálim ustası shtatı engizildi. Usı mekteplerdegi engizilgen shtatqa jumısqa alınǵan ustalardı kásiplik rawajlandırıp barıw hám Qaraqalpaqstan Respublikası tájiriybesin en jaydırıw maqsetinde Qaraqalpaqstan Respublikası mektepke shekemgi hám mektep bilimlendiriwi ministrligi tárepinen tastıyıqlanǵan rejege tiykarlanıp Nókis rayonındaǵı 1-sanlı ayırım pánler tereńlestirip oqıtılatuǵın ulıwma bilim beriw mektebinde «Kásiplik tálimdi rawajlandırıw» atamasında Respublikalıq seminar shólkemlestirildi.
Seminar dawamında mektep oqıwshıları menen birgelikte Nókis rayonı “Aqmańǵıt kamalak invest” Tex Group tekstil kárxanasına sayaxat shólkemlestirildi.
Maǵlıwmat ushın sonı aytıp ótiw orınlı, bul kárxanada tigiwshilik kásibin jaqsı meńgergen mektep pitkeriwshileriniń bántligi támiyinlengen.
Qaraqalpaqstan xabar agentligi