Qıs aylarında bazarlarımızdı toltırıp turǵan taza palız ónimleri ıssıxanalarda jetilistirilip, xalqımız kúndelikli turmısında paydalanıp kelmekte. Álbette, suwıq kúnlerde egindi jetilistiriw kóp miynetti talap etedi. Bul istiń kózin biletuǵın isbilermen, fermer hám qıytaq jer iyeleriniń miynetleriniń jemisi.
Taqıyatas rayonı Naymankól APJ aymaǵındaǵı “NUKUS UNIVERSAL BAZASI” JShJ tárepinen 2019-jılı Qubla Koreya texnologiyası tiykarında 1 gektar jer maydanda ıssıxana shólkemlestirilgen. Íssıxanaǵa qıyar egilip, házirgi waqıtta tárbiyalaw hám ónimlerdi jıynap alıw jumısları ámelge asırılmaqta. Jetistirilgen ónimler jergilikli bazarlarǵa jetkerilip berilmekte. Rayonda awıl xojalıǵı eginlerin jetistiriw hám ıssıxanalarda azıq-awqat eginlerin tárbiyalawdan tiykarǵı maqset, bazarlarımızdı támiyinlew, eksport potencialın jáne de arttırıw bolıp esaplanadı.
Qaraqalpaqstan xabar agentligi