Mámleketimizde jaslardıń bántligin támiyinlew, olardı isbilermenlikke tartıw, óner úyreniwi ushın imkaniyatlar jaratıp beriw ushın bir qatar ilajlar alıp barılmaqta.
Alıp barılıp atırǵan ilajlardıń dawamı retinde Ámiwdárya rayonında da jaslardıń bántligin támiyinlew boyınsha «Jaslar dápteri» ne kirgizilgen jaslardı hár tárepleme qollap-quwatlaw, olardıń bántligin támiyinlew bıǵdarında jumıslar alıp barılıp atır. Rayonda «Jaslar dápteri» ne kirgizilgen 31 hayal-qız kásip ónerge oqıtılıp, subsidiya tiykarında ásbap-úskeneler menen támiyinlendi.
Bolıp ótken ilajda sektor basshıları, hákim orınbasarları tárepinen olarǵa ásbap-úskeneler tapsırılıp, hayal-qızlarǵa, jaslarǵa kórsetilip atırǵan bul ǵamxorlıqlar mámleketimiz basshısınıń itibarı nátiyjesi ekenligi atap ótildi.
Qaraqalpaqstan xabar agentligi.