Birlesken Arab Ámirlikleri málimleme agentligi «WAM» óz betlerinde Ózbekstandaǵı energetika hám qayta tiklenetuǵın enregetika joybarları haqqında maqala járiyaladı.
Maqalada Ózbekstan Respublikası Prezidenti Shavkat Mrziyoevtiń Birlesken Arab Ámirlikleri sanaat hám aldıńǵı texnologiyalar ministri Sultan Ahmad Al-Jobir energetika hám infrastruktura ministri Suhayl Muhammad Al-Mazruiyden ibarat delegaciya menen ushırasıwında ámeliy birge islesiwdi jáne de keńeytiw hám investiciyalıq sheriklik joybarların alǵa qoyıw máseleleri kórip shıǵılǵanı tolıq sáwlelendirilgen.
Avtor Ózbekstan –BAÁ arasındaǵı kóp táreplemeli qatnasıqlardıń búgingi joqarı dárejesi, óz-ara tovar almasıw kólemi, birgeliktegi kárxanalar hám aviaqatnawlar sanı artıp atırǵanı, Birlesken Arab Ámirlikleri jetekshi kompaniyaları qatnasıwında Ózbekstanda ámelge asırılıp atırǵan hám perspektivalı joybarlar portfeli 20 milliard dollarǵa jetkenin atap ótken.
Sonday-aq, barlıq dárejedegi nátiyjeli sóylesiwlerdi dawam ettiriw hám keleshektegi joqarı dárejedegi ilajlarǵa puqta tayarlıq kóriw áhmiyetli ekenligi atap ótilgen.
ÓzA