Italiyanıń Paduya qalasında dúnyada birinshi márte soǵıp turǵan júrek kóshirip ótkerildi.

Qalalıq emlewxana-universitet basqarması bul ámeliyattı revolyuciya, dep táriypledi. Bunday ámeliyat emlewxanalarǵa júrek transplantaciyası nátiyjelerin jaqsılaw hám qadaǵalaw astındaǵı orǵan toqtap qalıwınıń aldın alıw imkaniyatın beredi.
«Usılayınsha júrekti ornınan alıw hám kóshirip ótkeriw procesinde ishemik hám reperfuziyalıq zıyanlanıwlar saplastırıladı, júrek funkciyalarınıń operaciyadan soń tez tikleniwi támiyinlenedi»,-delinedi xabarda.
Paduya emlewxana-universitet basqarmasınıń maǵlıwmatına bola, nawqas házirgi waqıtta ózin jaqsı sezbekte. Oǵan tez arada úyine ketiwine ruqsat beriledi.

Qaraqalpaqstan xabar agentligi