«Jasıl mákan» ulıwma milliy joybarı sheńberinde elimiz boylap ámelge asırılıp atırǵan jumıslar óziniń unamlı nátiyjesin berip, elatlı punktlerde, ásirese, jol boylarında jasıl zonalardıń kóbeyiwine tiykar jaratpaqta.
Xalıqaralıq strategiyalıq áhmiyetke iye “A-380” jolınıń Qońırat rayonı aymaǵınan ótiwshi 861-884-kilometrlik bóleginiń eki boyın abadanlastırıw arqalı mádeniy zonaǵa aylandırıw, aymaqlardıń azadalıǵın támiyinlew ilajları da kórilmekte.
Rayon hákimi B.Madaminovtıń basshılıǵında trassa boyındaǵı jer maydanları jámi rayondaǵı 36 mákeme, shólkemlerge bólip berilip, házirgi kúnde abadanlastırıw, shor juwıw, egiske tayarlaw hám egiw jumısları alıp barılmaqta.
Nátiyjede bul trassa boyında dala mádeniyatınıń qáliplesiwine hám payızlı mikroklimat jaratılıwına tiykar jaratıladı.

Qaraqalpaqstan xabar agentligi.