Baxreyn paytaxtı Manama qalasında awır atletika boyınsha jáhán chempionatı bolıp ótpekte.
Chempionatta Ózbekstan saylandı komandası aǵzaları da qatnaspaqta. Atap aytqanda, keshe -81 kg salmaqta bellesiwlerge túsken Muhammadqodir Toshtemirov shtanganı tikke joqarıǵa kóteriwde 165 kg nátiyje menen gúmis medaldı qolǵa kirgiziwge miyasar boldı.
Biraq, shtanganı silkip kóteriwde oǵan biraz áwmet jetispedi hám bellesiwler juwmaǵında, 355 kg nátiyje menen qola medalına ılayıq dep tabıldı.
Chempionattıń altın medalı arqa koreyalı Ri Chong Song, gúmis medalı Qazaqstan saylandı komandası aǵzası Aleksey Churkinge nesip etti.
Búgin saat 22:00 de saylandı komandamızdıń jáne bir aǵzası Sarvarbek Zafarjonov -89 kg salmaqta bellesiwlerge kirisedi.
Adilbay Orazov,
Qaraqalpaqstan xabar agentligi sholıwshısı