Moynaq rayonında rayon hákimi B.Menglibekov hám sektor basshılarınıń qatnasıwında gúzgi-qısqı máwsimde júz beriwi múmkin bolǵan ayrıqsha jaǵdaylardıń aldın alıw hám puqaralardıń qáwipsizligin támiyinlew baǵdarındaǵı jumıslardı kúsheytiw maqsetinde gúzgi-qısqı shtabqa juwapker xızmetkerlerdiń juwapkershilik jaǵdayı úyrenildi.
Atap ótilgenindey, rayonda suwıq máwsimdi zıyansız ótkeriw boyınsha alıp barılıp atırǵan úgit-násiyatlaw hám profilaktikalıq ilajlarǵa qaramastan, ayırım puqaralardıń biypárwalıǵı hám qáwipsizlik qaǵıydalarına ámel etpew jaǵdayları ushıraspaqta.
Bul baǵdardaǵı eń úlken mashqalalardan biri – ısıtıw pechleri hám gaz úskeneleriniń nasazlıǵı yamasa olardan paydalanıw qaǵıydalarınıń qopal ráwishte buzılıp atırǵanı. Bul nárse kóbinese ońlanıp bolmaytuǵın aqıbetlerdi keltirip shıǵarıwı múmkin.
Anıqlanǵan kemshiliklerdi saplastırıw boyınsha pikir-usınıslar bildirilip, tiyisli tapsırmalar berildi.

Qaraqalpaqstan xabar agentligi