Prezidenttiń qararına bola, sanlı texnologiyalar tarawındaǵı startap joybarlardı hár tárepleme qollap-quwatlawǵa qaratılǵan Sanlı startaplardıń baǵdarlaması ámelge asırıladı.

Baǵdarlamada tómendegi rezident yuridikalıq shaxslar qatnasıwı múmkin:
Tómendegi talaplarǵa sáykes keletuǵın startap joybarlar:
– jumıs dawamlılıǵı – 6 aydan 7 jılǵa shekem;
– kalendar jılında ulıwma dáramatı – 10 milliard sumnan artpaǵan;
– inkubaciya yamasa akseleraciya baǵdarlamasın tabıslı juwmaqlaǵanın tastıyıqlaytuǵın hújjetke iye;
– sanlı texnologiyalarǵa tiykarlanǵan, joqarı ósiw hám sırt el bazarlarına shıǵıw potencialı bolǵan biznes modeline iye;
– startap joybarlar ekosisteması platformasında dizimnen ótken;
– Startap ekosistemasınıń qatnasıwshıları – venchur qorlar hám jeke menshik investorlar hám startap joybarlar ushın akseleraciya hám inkubaciya baǵdarlamaların shólkemlestiriw xızmetlerin kórsetetuǵın isbilermenler.

Qaraqalpaqstan xabar agentligi