Ózbekstan Respublikası Prezidentiniń qararı

Sud hújjetleri hám basqa da uyımlardaǵı hújjetlerdiń orınlanıwın shólkemlestiriwde nátiyjeli birge islesiwdi támiyinlew, zamanagóy málimleme-kommunikaciya texnologiyaları imkaniyatlarınan keńnen paydalanǵan halda qarızdarlıqtı óndiriw ilajlarınıń tezligin hám tásirsheńligin arttırıw maqsetinde:

Bas prokuraturanıń Ózbekstan Respublikası Bas prokuraturası janındaǵı Májbúriy orınlaw byurosında (keyingi orınlarında-Byuro) tómendegilerge mólsherlengen Orınlaw hújjetleri boyınsha qarızdarlıqlardı óndiriw máseleleri baǵdarında birden-bir vedomstvolararalıq elektron birge islesiw sistemasın (keyingi orınlarda-Birden-bir birge islesiw sisteması) jaratıw haqqındaǵı usınısı maqullansın:
qarızdar-fizikalıq shaxslar hám olardıń múlkleri, sonday-aq, alıp beriliwi tiyis bolǵan balanı izlewde Byuro hám mámleketlik uyımlar, bank mákemeleri hám basqa da shólkemler arasında tez xabar almasıw;

mámleketlik orınlawshılardıń qararların, tapsırmaların, kórsetpelerin, bildiriwlerin hám basqa da málimlemelerdi, sonday-aq, olarǵa juwaplardı tiyisli mámleketlik uyımları, bank mákemeleri hám basqa da shólkemlerge elektron hújjet kórinisinde jiberiw (qabıllaw);

sud hújjetleri hám basqa da uyımlardıń hújjetlerin orınlawdan bas tartıp atırǵan qarızdarlarǵa, sonıń ishinde, olardıń múlkleri menen múlklik huqıqlarına baylanıslı sheklew ilajların málimleme-kommunikaciya texnologiyalarınan paydalanǵan halda óz waqtında qollanıw.

Sud hújjetleri hám basqa da uyımlardıń hújjetlerin májbúriy orınlawda Byuro menen elektron birge islesiwdi ámelge asıratuǵın mámleketlik uyımlar hám shólkemlerdiń (keyingi orınlarda-birge islesiwshi shólkemler) dizimi 1-qosımshaǵa muwapıq tastıyıqlansın.
Byuroǵa usı dizimdi basqa mámleketlik uyımlar hám shólkemler menen keńeytiw, sonday-aq, olar boyınsha qarızdarlıqlardı óndiriw baǵdarında vedomstvolararalıq elektron birge islesiw sxemasın kelisilgen halda belgilew huqıqı berilsin.

3.Byuro hám birge islesiwshi shólkemler arasındaǵı qarızdarlıqlardı óndiriw boyınsha vedomstvolararalıq elektron birge islesiw:

2-19-qosımshalarǵa muwapıq sxemalar boyınsha;

bar maǵlıwmatlardıń tezligin hám isenimliligin támiyinlegen hám nızam hújjetlerine muwapıq málimleme qáwipsizligin támiyinlew boyınsha shólkemlestiriwshilik-texnikalıq ilajlardı kórgen halda ruqsatsız paydalanıwǵa imkan bermeytuǵın qorǵalǵan telekommunikaciya tarmaqları arqalı;

birge islesiwshi shólkemlerdiń málimleme sistemalarına tikkeley jalǵanıw yaki birge islesiwshi shólkemlerdiń maǵlıwmatlar bazaların Byuronıń málimleme sistemasında qaytalaw hám turaqlı jańalap barıw yamasa birge islesiwshi shólkemlerdiń málimleme sistemaların Byuronıń málimleme sisteması menen integraciyalaw jolı menen;

Byuro hám birge islesiwshi shólkem arasında dúziletuǵın elektron birge islesiw haqqındaǵı kelisimlerge hám texnologiyaıq instrukciyalarǵa muwapıq ámelge asırılatuǵını belgilensin.

Birge islesiwshi shólkemlerdiń málimleme sistemalarındaǵı yaki maǵlıwmatlar bazalarındaǵı jetilistiriwler yamasa elektron birge islesiw haqqındaǵı texnologiyalıq instrukciyanıń ózgeriwine alıp kelip atırǵan hár qanday ózgeris Byuro menen kelise otırıp, ámelge asırılatuǵını hám Birden-bir elektron birge islesiw sistemasına integraciyalanatuǵını belgilensin.
5.Byuro Ózbekstan Respublikası Málimleme texnologiyaların hám kommunikaciyaların rawajlandırıw ministrligi jáne birge islesiwshi shólkemler menen birge 2018-jıldıń 1-sentyabrine shekem :

birge islesiwshi shólkemler menen elektron birge islesiw haqqındaǵı kelisimler hám texnologiyalıq instrukciyalar dúziliwin;

birge islesiwshi shólkemlerdiń málimleme sistemaları hám maǵlıwmatlar bazaları menen integraciyalawdı inabatqa ala otırıp, Birden-bir elektron birge islesiw sistemasınıń iske túsiriliwin támiyinlesin.

Birge islesiwshi shólkemlerdiń málimleme sistemaları hám maǵlıwmatlar bazaları menen integraciyalaw boyınsha jumıslar, sonıń ishinde, baǵdarlamalıq támiyinlewdi jaratıw, óz xızmetkerlerin elektron sanlı qol tańba menen támiyinlew Byuro hám birge islesiwshi shólkemlerdiń qarjısı esabınan ámelge asırılatuǵını belgilensin.

Ózbekstan Respublikası Bas prokuraturası mápdar ministrlikler hám vedomstvolar menen birge bir ay múddette nızam hújjetlerine usı qarardan kelip shıǵatuǵın ózgerisler hám qosımshalar haqqında usınıslardı kirgizsin.
7.Usı qarardıń orınlanıwın qadaǵalaw Ózbekstan Respublikasınıń Bas ministri A.N. Aripovǵa hám Ózbekstan Respublikasınıń Bas prokurorı O.B. Muradovqa júklensin.

Ózbekstan Respublikası Prezidenti Sh.Mirziyoev

Tashkent qalası, 2018-jıl 13-mart