Ózbekistan Respublikası Prezidentiniń qararı

Ózbekistan Respublikası Prezidentiniń 2018-jıl 3-fevraldaǵı «Ózbekistan Respublikasınıń turizm potencialın rawajlandırıw ushın qolaylı sharayatlar jaratıw boyınsha qosımsha shólkemlestiriw ilajları haqqında»ǵı PP-5326-sanlı Pármanınıń orınlanıwın támiyinlew, sonday-aq, aymaqlardı turaqlı sociallıq-ekonomikalıq rawajlandırıwdıń eń áhmiyetli faktorlarınan biri sıpatında ishki turizmdi jedel rawajlandırıw, puqaralardı elimizdiń mádeniy-tariyxıy miyrası hám tábiyǵıy baylıqları menen tanıstırıw maqsetinde:

«Ózbekistan boylap sayaxat et!» ishki turizmdi rawajlandırıw baǵdarlamasın ámelge asırıw boyınsha ámeliy ilajlardıń rejesi (keyingi orınlarda – Ámeliy ilajlar rejesi) 1-qosımshaǵa muwapıq tastıyıqlansın.
Ózbekistan Respublikası Turizmdi rawajlandırıw boyınsha mámleketlik komiteti, Ózbekistan Jaslar awqamı, Ózbekistan Kásiplik awqamları federaciyası keńesi, Ózbekistan Hayal-qızlar komiteti, «Máhálle» qayırqomlıq jámiyetlik qorı hám Ózbekistan veteranlarınıń sociallıq jumısın qollap-quwatlaw «Nuraniy» qorı:
a) Qaraqalpaqstan Respublikası Ministrler Keńesi, wálayatlar hám Tashkent qalası hákimlikleri menen birgelikte:

bir ay múddette turizm infrastrukturasınıń bántligin esapqa alǵan halda aymaqlar jáne tartılǵan shólkemler kóleminde turlar hám ekskursiyalardı shólkemlestiriw kestelerin tastıyıqlasın;

jaslardı turizm tarawındaǵı isbilermenlik jumısına keńnen tartıw boyınsha málimleme-úgit-násiyatlaw ilajlarınıń turaqlı ótkeriliwin támiyinlesin;

turistler aǵımınıń máwsimliligin jáne aymaqlardıń turizm infrastrukturası tolıq tartılıwın esapqa alıp, sonıń ishinde, turizm xızmeti subektlerin tartqan halda Ámeliy ilajlar rejesiniń nátiyjeli ámelge asırılıwı ushın zárúr ilajlar kórsin;

b) Respublikalıq Ruwxıy-aǵartıwshılıq orayı, Ózbekistan Milliy teleradiokompaniyası hám Ózbekistan Baspasóz hám xabar agentligi menen birgelikte «Ózbekistan boylap sayaxat et!» ishki turizmdi rawajlandırıw baǵdarlamasın (keyingi orınlarda – Baǵdarlama) ámelge asırıw sheńberinde ǵalaba xabar qurallarında jáne Internet tarmaǵında, sonıń ishinde Respublikanıń barlıq qalalarında «Ózbekistan boylap sayaxat et!» súreni astında sırtqı reklama quralların (shit-bannerler jáne sırtqı ekranlar ushın rolikler) tayarlaw hám ornatıw jolı menen ishki turizmdi keńnen úgit-násiyatlaw ilajları ótkeriliwin támiyinlesin.

Ózbekistan Respublikası Turizmdi rawajlandırıw boyınsha mámleketlik komiteti hám jergilikli atqarıwshı hákimiyat uyımları tárepinen jaylastırılatuǵın sırtqı reklama sociallıq reklamaǵa teńlestiriledi.
Qaraqalpaqstan Respublikası Ministrler Keńesi, wálayatlar hám Tashkent qalası hákimlikleri Ózbekistan Respublikası Turizmdi rawajlandırıw boyınsha mámleketlik komiteti menen kelise otırıp, 2018-2020-jıllarda respublikanıń hár bir aymaǵında keminde 100 orın esapqa alınıp oraylıq kóshelerde xalıq kóp orınlarda jáne trassalarda jaylasqan shitlerde, ekranlarda ishki turizmge baylanıslı sırtqı reklama biyǵárez ornatılıwın támiyinlesin.
Baǵdarlama sheńberinde Ózbekistan Respublikası puqaralarına turistlik-ekskursiya turları ushın tólemlerge baylanıslı qárejetler:
bilimlendiriw mákemeleriniń oqıwshıları ushın – óz qarjıları hám Ózbekistan jaslar awqamınıń qarjıları esabınan;

shólkemlerdiń xızmetkerleri ushın – óz qarjıları, jumıs beriwshiniń qarjıları (byudjet shólkemleri ushın – shólkemlerdiń byudjetten tıs qarjıları) hám jámiyetlik shártnamalarǵa muwapıq basqa da qarjılardıń esabınan;

jetim balalar, kem támiyinlengen shańaraqlardıń perzentleri, mayıplıǵı bolǵan shaxslar ushın olardıń ulıwma sanınıń keminde 20 procenti qamtıp alınıwı támiyinlengen halda – qayırqomlıq qarjılarınıń, sonday-aq, hár jılı Ózbekistan Respublikası Mámleketlik byudjet kórsetkishlerinde názerde tutılǵan qarjılardıń esabınan;

pensionerler jáne urıs hám miynet veteranları ushın – óz qarjıları, Ózbekistan veteranlarınıń sociallıq jumısın qollap-quwatlaw «Nuraniy» qorınıń qarjıları hám qayırqomlıq qarjılarınıń esabınan;

belsendi hayal-qızlar ushın – óz qarjıları, Ózbekistan Hayal-qızlar komitetiniń qarjıları, «Máhálle» qayırqomlıq jámiyetlik qorınıń qarjıları hám qayırqomlıq qarjılarınıń esabınan;

máhálle belsendileri hám jas shańaraqlar ushın – óz qarjıları, «Máhálle» qayırqomlıq jámiyetlik qorınıń qarjıları esabınan teńlik tiykarında qaplanatuǵını belgilep qoyılsın.

Bul Baǵdarlamada qatnasıw ıqtiyarlı ekeni belgilep qoyılsın.

Mámleketlik uyımlar hám basqa da shólkemlerdiń basshılarına:
jámáátlik shártnamalarǵa xoshametlew ilajı sıpatında mámleketlik uyımlar hám basqa da shólkemlerdiń byudjetten tıs qarjıları esabınan óz xızmetkerleriniń keminde 10 procentin shańaraq aǵzaları menen birgelikte hár jılı dem alıwǵa (ishki turizmge) jiberiwdi názerde tutatuǵın xızmetkerlerdiń jámáátlik hám shańaraqlıq dem alıwın shólkemlestiriw normasın kirgiziw;

xızmetkerlerge miynet nızamshılıǵına muwapıq olar ushın qolay bolǵan waqıtta sayaxat etiw hám dem alıw ushın dem alıstıń paydalanılmay qalǵan bólegi esabınan dem alıs kúnleri (otgul) beriw:

Baǵdarlama ilajların ámelge asırıw sheńberinde hár jılı 30-dekabrge shekem mámleketlik uyımlar hám basqa da shólkemlerdiń xızmetkerleri ushın turistlik-sayaxat turların shólkemlestiriw kestelerin tastıyıqlaw usınıs etilsin.

Ózbekistan Respublikası Turizmdi rawajlandırıw boyınsha mámleketlik komiteti mámleketlik uyımlar hám basqa da shólkemlerge toparlı sayaxatlar shólkemlestiriw ushın jergilikli turoperatorlar menen óz-ara birge islesiw, sonday-aq, miymanxana hám transport shólkemlerine uyımlastırılǵan turlar, sonıń ishinde, jasaw hám kelip-ketiw (ushıp barıw) ushın jeńillikler beriw boyınsha usınıslar jiberiwde járdem kórsetsin.
2018-jıl 10-fevraldan baslap 3 jıl múddetke tómendegi tártip engizilsin, oǵan bola:
jumıs beriwshiniń turizm tarawında xızmet kósetiw boyınsha licenziyaǵa iye bolǵan subektlerden xızmetkerler hám olardıń shańaraq aǵzaları ushın respublika boylap turistlik jollamalardı satıp alıw qárejetleri xızmetkerdiń dáramatı sıpatında kórip shıǵılmaydı jáne yuridikalıq shaxstan alınatuǵın payda salıǵın esaplap shıǵıwda shegirilip qalınıwı lazım;

fizikalıq shaxslardıń salıqqa tartılatuǵın dáramatları Ózbekistan Respublikası boylap turistlik jollamalardı turizm tarawında xızmet kórsetiw boyınsha licenziyaǵa iye bolǵan subektlerden satıp alıwǵa qaratılǵan qárejetler summasına azaytıladı. Onda turistlik jollama (almastırılatuǵın vaucher), avia hám temir jol biletleri, avtotransport shólkemleriniń esap-fakturaları (biletleri) hám ornalastırıw qurallarınıń chekleri tastıyıqlawshı hújjetler bolıp esaplanadı.

turizm tarawında xızmet kórsetetuǵın subektlerdiń salıq salınatuǵın bazası Ózbekistan turizm brendi hám «Uzbekistan.travel» saytı reklaması bolǵan baspa ónimlerin (kartalar, broshyuralar, bukletler, flayerler hám basqalar), suvenir hám qadaqlaw ónimlerin (sumkalar, paketler, mektep dápterleri, jarlıqlar, shexollar, kiyim-kensheklerdegi hám asxana ánjamlarındaǵı jazıwlar) tayarlaw hám basıp shıǵarıwǵa qaratılatuǵın qárejetler summasına azaytıladı.

9. Kommerciyalıq banklerge Ózbekistan Respublikası puqaralarına turizm tarawında xızmet kórsetiw boyınsha licenziyaǵa iye bolǵan subektlerden Ózbekistan Respublikası boylap sayaxatshılıq turların satıp alıw ushın 10 million sumǵa shekem tutınıw kreditlerin ajıratıw hám kreditti miynet haqı esabınan qaplaw imkaniyatın beriw usınıs etilsin.

10.Turizm obektleri (arxitekturalıq estelikler hám basqalar) jáne infrastrukturası (miymanxanalar hám basqa da ornalastırıw quralları, turistlik baǵdarlar hám basqalar) jaylasqan orınlardıń kórsetpe-belgileri menen kórsetkishlerin óz ishine alǵan tematikalıq turistlik kartalardıń tirajın kóbeytiw hám olardı tarqatıwǵa kartografiya jumısların ámelge asırıw ushın licenziya (ruqsatnama) alınıwı talap etilmeytuǵını;

turistlerge xızmet kórsetetuǵın shólkemler (mámleketlik muzeyler, galereyalar, mádeniy miyras obektleri hám qorıqlanatuǵın tábiyǵıy aymaqlar hákimshilikleri hám basqalar) óziniń jumısınan túsetuǵın túsimlerdiń keminde 5 procentin óz jumısı jáne usınıp atırǵan turizm xızmetleri bayan etilgen reklama-tarqatıw materialların ózbek, rus hám inglis tillerinde tayarlaw jáne tirajın kóbeytiw ushın májbúriy tártipte qaratatuǵını, onda bul maqsetlerge qaratılǵan qárejetler summası usı shólkemlerdiń salıqqa tartılatuǵın bazasınan shıǵarıp taslanatuǵını belgilep qoyılsın.

Qaraqalpaqstan Respublikası Ministrler Keńesi hám wálayatlar hákimlikleri Ózbekistan Respublikası Turizmdi rawajlandırıw boyınsha mámleketlik komiteti menen kelise otırıp, turizmdi rawajlandırıw ushın joqarı potencialǵa iye rayon hám qalalarda jaylasqan jáne tiykarınan injenerlik kommunikaciyaları menen támiyinlengen paydalanılmay atırǵan jer uchastkaların 2-qosımshaǵa muwapıq dizim boyınsha úsh ay múddette xatlawdan ótkersin hám keyin ala Ózbekistan Respublikası Turizmdi rawajlandırıw boyınsha mámleketlik komitetiniń juwmaǵına tiykarlanıp hár bir aymaqta ulıwma maydanı keminde 20 gektar bolǵan 20 jer uchastkası esabınan kelip shıǵıp, turizm tarawındaǵı joybarlardı (miymanxanalar, miymanxana úyleri, kempingler, moteller hám basqa da ornalastırıw quralları, tematikalıq qıyabanlar, muzeyler, galereyalar hám basqa da obektler qurıw) ámelge asırıw maqsetinde isbilermenlik subektleri jáne potencial investorlarǵa beriw ushın ajıratsın.
Ózbekistan Respublikası Turizmdi rawajlandırıw boyınsha mámleketlik komiteti tárepinen tańlap alınǵan paydalanılmay atırǵan jer uchastkalarında 2018-2022-jıllarda turizm infrastrukturasın shólkemlestiriw sheńberindegi qárejetler:
jańa joybarlar (marketler)dıń dizayn-eskizlerin islep shıǵıw ushın – byudjetten tıs Turizm tarawın qollap-quwatlaw qorınıń qarjıları;

injenerlik-kommunikaciya tarmaqlarına jalǵanıwǵa ruqsat beretuǵın hújjetlerdi alıw ushın tiyisli rayonlar (qalalar) jergilikli byudjetlerdiń qarjıları esabınan qaplanatuǵını belgilep qoyılsın.

Ózbekistan Respublikası Turizmdi rawajlandırıw boyınsha mámleketlik komiteti:
Ózbekistan Respublikası Ishki isler ministrligi jáne basqa da mápdar ministrlikler hám vedomstvolar menen birgelikte úsh ay múddette turistlik jıyımlar, miymanxana xızmetlerin sertifikatlaw jáne ornalastırıw qurallarınıń juwapkershilik qaǵıydaların saqlap qalǵan halda, keliwshilerdi dizimge alıw boyınsha arnawlı elektron avtomatlastırılǵan baǵdarlamada ornalastırıw quralları arqalı menshik úylerge (shańaraqlarǵa) miymanlardı waqtınsha dizimnen ótkeriw tártibin engizsin;

turizmdi kategoriyasına baylanıslı miymanxanalar hám qonaq úyleriniń úlgi joybarların, sonıń ishinde, shet elli joybarlaw shólkemlerinen byudjetten tısqarı Turizm tarawın qollap-quwatlaw qorı qarjılarınıń esabınan satıp alsın hám keyin ala bul joybarlardı turizm infrastrukturası obektlerin qurıw baslamasın kórsetken isbilermenlik subektlerine biyǵárez usınsın. Onda úlgi joybarlardı belgili bir aymaqqa biriktiriw Ózbekistan Respublikası Arxitektura hám qurılıs boyınsha mámleketlik komitetiniń aymaqlıq bólimleri tárepinen biyǵárez tiykarda támiyinlenedi.

Ózbekistan Respublikası Turizmdi rawajlandırıw boyınsha mámleketlik komitetiniń ishki turizmdi bunnan bılay da rawajlandırıw hám turizm infrastrukturasın jetilistiriw maqsetinde aymaqlarda kishi turizm zonaların shólkemlestiriw haqqındaǵı usınısına kelisim berilsin.
Kishi sanaat zonaları haqqındaǵı nızam hújjetleri qaǵıydaları kishi turizm zonalarına da engiziletuǵını belgilensin.

Ózbekistan Respublikası Turizmdi rawajlandırıw boyınsha mámleketlik komiteti Qaraqalpaqstan Respublikası Ministrler Keńesi hám wálayatlar hákimlikleri menen birgelikte 2018-jıldıń 1-iyuline shekem isbilermenlik subektlerine jer uchastkaların ajıratıwdıń jeńilletilgen mexanizmin engize otırıp, aymaqlarda kishi turizm zonaların jaratıw boyınsha usınıslardı Ózbekistan Respublikası Ministrler Kabinetine kirgizsin.

Ózbekistan Respublikası Qarjı ministrligi Turizmdi rawajlandırıw boyınsha mámleketlik komiteti menen birgelikte tómendegi summalar ushın salıq salınatuǵın bazanı azaytıw tártibin bir ay múddete tastıyıqlasın:
100 million sumǵa shekem – xojalıq júrgiziwshi subektlerdiń 2020-jıldıń 1-yanvarına shekem sanitariyalıq qaǵıydalarǵa, normalarǵa hám gigienalıq normativlerge muwapıq keletuǵın zamanagóy sanitariyalıq-gigienalıq tarmaqların qayta tiklewge, kapital ońlawǵa hám qurıwǵa qaratılǵan qárejetleri;

12 million sumǵa shekem – hár jılı 2025-jıldıń 1-yanvarına shekem xojalıq júrgiziwshi subektlerdiń sanitariyalıq qaǵıydalarǵa, normalarǵa hám gigienalıq normativlerge muwapıq keletuǵın sanitariyalıq-gigienalıq tarmaqların (sipsekeshlerdiń miynet haqısı, gigienalıq, tazalaw hám juwıw quralların satıp alıw, kommunallıq qárejetlerdi tólew), turizm infrastrukturası obektlerin, (tariyxıy hám arxitekturalıq estelikler, muzeyler, teatrlar, mádeniyat úyleri, ulıwma awqatlanw punktleri, xızmet kórsetiw obektleri, avtomobillerge janılǵı quyıw shaqapshaları, avtomobiller ushın waqtınsha turıw orınları, jol boyı infrastrukturasınıń servis xızmetler kórsetiletuǵın aymaqları, bazarlar, jaymalar, dúkanlar hám adamlar kóp bolatuǵın basqa da orınlardı) saqlawǵa qaratılǵan qárejetleri.

Qaraqalpaqstan Respublikası Ministrler Keńesi, wálayatlar hám Tashkent qalası hákimlikleri Ózbekistan Respublikası Turizmdi rawajlandırıw boyınsha mámleketlik komitetiniń sheshimleri tiykarında zamanagóy sanitariyalıq-gigienalıq tarmaqlardı jaratıw joybarların ámelge asıratuǵın isbilermenlik subektlerine hám potencial investorlarǵa qalalar hám rayonlardıń tiyisli bóleklerinde reklama hám ıqsham sawda orayları ushın orınlar usınsın.

Ózbekistan Respublikası Turizmdi rawajlandırıw boyınsha mámleketlik komiteti:
mápdar ministrlikler hám vedomstvolar tárepinen ámeliy ilajlar rejesiniń orınlanıwı ústinen turaqlı monitoringtiŃ

monitoring nátiyjeleri boyınsha Ózbekistan Respublikası Prezidentiniń 2017-jıl 16-avgusttaǵı «2018-201o-jıllarda turizm tarawın rawajlandırıw boyınsha birinshi gezektegi ilajlar haqqında»ǵı PQ-3217-sanlı qararı menen shólkemlestirilgen Turizmdi rawajlandırıw boyınsha muwapıqlastırıwshı keńeske rejelestirilgen ilajlardıń belgilengen múddetlerde sózsiz orınlanıwın támiyinlew maqsetinde tiyisli qararlardı qabıl etiw ushın hár sherekte usınıslar kirgiziliwin támiyinlesin.

Turizmdi rawajlandırıw boyınsha muwapıqlastırıwshı keńes (A.Aripov):
usı qararda názerde tutılǵan ilajlardıń sózsiz, óz waqtında hám sapalı orınlanıwı ústinen turaqlı hám sistemalı qadaǵalaw shólkemlestiriliwin;

ministrlikler, vedomstvolar hám basqa da shólkemler – juwapker atqarıwshılardıń ámeliy ilajlar rejesin sózsiz ámelge asırıw boyınsha olar tárepinen kórilip atırǵan ámeliy ilajlar haqqındaǵı esapları hár sherekte tıńlap barılıwın támiyinlesin.

Ózbekistan Respublikası Prezidentiniń 2017-jıl 7-sentyabrdegi «Tashkent qalasında «Eski shahar» turizm zonasın qurıw boyınsha ilajlar haqqında»ǵı PQ-3260-sanlı qararına 3-qosımshaǵa muwapıq ózgerisler kirgizilsin.
19. Ózbekistan Respublikası Turizmdi rawajlandırıw boyınsha mámleketlik komiteti mápdar ministrlikler hám vedomstvolar menen birgelikte eki ay múddette nızam hújjetlerine usı qarardan kelip shıǵatuǵın ózgerisler menen qosımshalar haqqında Ministrler Kabinetine usınıslar kirgizsin.

Usı qarardıń orınlanıwın qadaǵalaw Ózbekistan Respublikasınıń Bas ministri A.N.Aripovqa, Ózbekistan Respublikası Bas ministriniń orınbasarı S.R.Xolmuratovqa hám Ózbekistan Respublikası Turizmdi rawajlandırıw boyınsha mámleketlik komitetiniń baslıǵı A.A.Abduhakimovqa júklensin.
Ózbekistan Respublikası

Prezidenti Sh.MIRZIYoEV

Tashkent qalası,

2018-jıl 7-fevral