Turkiya Respublikasınıń Antaliya qalasında bolıp ótken Evropa ashıq turnirinde Ózbekstannan 6 dzyudoshı qatnastı. Jas óspirimler arasında ótkerilgen bellesiwlerde qaraqalpaqstanlı palwan qız Nilufar Ermagambetova 52 kilogrammǵa shekemgi salmaq kategoriyasında finalǵa shekemgi bellesiwlerdi tabıslı juwmaqladı. Finalda mongoliyalı Lxagvasuren Sosorbaram menen bolǵan bellesiwde oǵan biraz áwmet jetispedi. Usılayınsha ol Evropa ashıq turnirinde gúmis medal iyesine aylandı.
Maǵlıwmat ushın, bul turnir Argentinada bolıp ótetuǵın jas óspirimler Olimpiadasına reyting ochkoların beredi.
Islam Matekov,
Qaraqalpaqstan xabar agentliginiń sholıwshısı.