Ózbekstan Respublikası Prezidenti Shavkat Mirziyoev Iran Islam Respublikası Prezidenti Masud Pezeshkian menen telefon arqalı sóylesti.
Sóylesiw aldınan mámleketimiz basshısı Iran Prezidentin tuwılǵan kúni menen qızǵın qutlıqlap, oǵan bekkem densawlıq, shańaraqlıq baxıt-ıǵbal hám juwapkershilikli mámleketshilik jumısında úlken tabıslar tiledi.
Sóylesiw dawamında keń kólemli birge islesiwdi rawajlandırıw, atap aytqanda, sawda-ekonomikalıq, investiciyalıq hám mádeniy-gumanitarlıq tarawlardaǵı baylanıslardı bunnan bılay da jedellestiriwge ayrıqsha itibar qaratıldı.
Ózbekstan hám Iran Prezidentleri regionallıq kún tártibi hám bolajaq ilajlar rejesi boyınsha da pikir alıstı.
ÓzA