Búgingi kúnde klimattıń ózgeriwi hám qorshaǵan ortalıqtıń pataslanıwı dúnya boylap hámmege óz tásirin kórsetpekte. Atmosferaǵa shıǵarılıp atırǵan CO2 hám basqa zıyanlı gazlerdi azaytıw Franciya rawajlanıw agentligi (AFD) jumısınıń tiykarǵı maqsetlerinen biri bolıp esaplanadı.
Agentlik ıssıxana gazlerin sheklew, adamlardı hám tábiyattı klimat aqıbetlerinen qorǵaw jol kartaların jaratıw boyınsha turaqlı jumıs alıp barmaqta. Bul processte jeńilletilgen kreditler, grantlar hám texnikalıq járdem sıyaqlı hár qıylı finanslıq instrumentler keńnen jumsaladı.
Ózbekstanda ámelge asırılıp atırǵan FRAnıń “Sharwashılıq tarawın turaqlı rawajlandırıwdı qarjılandırıw” joybarı da usı iygilikli maqsetke xızmet etedi. Joybar sharwashılıq sektorında qorshaǵan ortalıqqa unamsız tásirdi azaytıw hám fermer xojalıqlarınıń klimatqa shıdamlılıǵın arttırıwǵa qaratılǵan ilajlardı qarjılandırmaqta.
Qaraqalpaqstan xabar agentligi