Nókis rayonındaǵı Qutankól mákan puqaralar jıyınında jasawshı Sherbek Ótepbergenov mámleketimiz tárepinen jaslardı qollap-quwatlaw, olardıń bántligin támiyinlew hám isbilermenlik jumısın rawajlandırıw maqsetinde ámelge asırılıp atırǵan “Jaslar isbilermenlikke qaray” joybarı sheńberinde subsidiya tiykarında qoyan baǵıw baǵdarında ámeliy járdem alǵan edi.
Joybar sheńberinde oǵan 10 qoyan hám olardı baǵıw ushın zárúr azıqlıq ónimleri tapsırıldı. Búgingi kúnge kelip, durıs kútim hám miynet nátiyjesinde qoyanlardıń sanı 15 ke jetti.
Bul nátiyje mámleket tárepinen ajıratılıp atırǵan járdem hám jaratılıp atırǵan imkaniyatlardan nátiyjeli paydalanıw jaslardıń óz isbilermenlik jumısın jolǵa qoyıwı, dáramat deregin keńeytiwi hám shańaraǵınıń abadanlıǵın arttırıwına xızmet etip atırǵanınıń jáne bir ámeliy kórinisi bolıp esaplanadı.
Qaraqalpaqstan xabar agentligi