Shveycariyanıń Alp tawlarında dúnyadaǵı eń bay adamlarǵa tiyisli qımbat bahalı buyımlardı saqlawǵa mólsherlengen arnawlı jer astı úńgirleri qurılmaqta. Kompleks kelesi jılı paydalanıwǵa tapsırıladı.
Joybar avtorı Tomas Gasserdiń atap ótiwinshe, Bryunig taw massiviniń qushaǵında 20 ǵa shamalas jer astı qoymaxanası úskenelenip, qımbat bahalı metall, kórkem óner dóretpesi, siyrek ushırasatuǵın vino hám avtomobildi saqlaw imkaniyatı jaratıladı. Bul jerge bir neshe basqıshlı qadaǵalaw-ótkeriw hám qáwipsizlik tekseriwi arqalı kiriledi. Hár bir úńgirdi 99 jıl múddetke ijaraǵa alıw bahası 1 million Shveycariya frankinen (shama menen 1,07 million evro) baslanadı. Shólkemlestiriwshilerdiń atap ótiwinshe, bunday xızmetke talap júdá joqarı hám ayırım qarıydarlar shártnama dúziwge úlgergen.
Aytpaqshı, burın Shveycariyada qımbat bahalı buyımlardı saqlaw ushın eski áskeriy bunkerlerden paydalanılǵan. Házir bolsa mámleket Qurallı kúshleri regiondaǵı geosiyasiy jaǵday sebepli bul obektlerden jáne oq-dári hám zárúr zatlardı saqlaw maqsetinde paydalanıwdı rejelestirmekte.
F.YaXShIBOEVA, ÓzA