Hayal-qızlardıń huqıqların, nızamlı máplerin támiyinlew, potencialın hám imkaniyatların júzege shıǵarıw búgingi kún ushın áhmiyetli másele bolıp esaplanadı.
Sol sebepli, prokuratura uyımları tárepinen turaqlı túrde hayal-qızlarǵa ámeliy járdem kórsetip kelinbekte.
Atap aytqanda, usı jıldıń ótken dáwirinde áyne aymaqlıq prokurorlar tárepinen 2 mıń 670 hayal-qızǵa túrli máselelerde ámeliy járdem kórsetildi.
Sonıń ishinde, 420 adamǵa bir mártelik 456,3 million sumlıq járdem kórsetilgen bolsa, 53 adamnıń turaq jayları ońlap berilgen.
395 hayal-qızdıń bántligi támiyinlengen, sonnan 381 i basqa jumısqa jaylastırılǵan, 10 ına tigiw mashinası hám basqa da ásbap-úskeneler alıp berilgen.
Kásip-ónerge oqıtılǵan hám sertifikat berilgen 60 hayal-qızdan 14 i isbilermenlik jumısın jolǵa qoyıw arqalı bántligi támiyinlengen.
Densawlıqtı saqlaw tarawında jámi 329,2 million sumlıq ajıratılǵan qarjılar esabınan 156 adamǵa ámeliy járdem kórsetilgen.
Isbilermenlik penen shuǵıllanıp atırǵan hayal-qızlardıń 64 i 1,6 milliard sumlıq subsidiya hám kreditler ajıratıw arqalı qollap-quwatlanǵan. 1 mıń 495 hayal-qızǵa 2,4 milliard sumlıq basqa túrdegi járdemler berilgen.
N.Abduraimova, ÓzA