Nókis qalasındaǵı Jaslar orayında “Baslamalı byudjet – máhálleniń rawajlanıwı ushın jańa imkaniyat, tabıslı joybarlar tájiriybesi” atamasında ámeliy oqıw-seminar bolıp ótti.
Onda Qaraqalpaqstan Respublikası Ministrler Keńesiniń Baslıǵı F.Ermanov, Ózbekstan máhálleleri awqamınıń baslıǵı Q.Quronboev, qala hám rayonlardıń juwapkerleri, máhálle baslıqları, máhállelerge biriktirilgen bank xızmetkerleri hám taraw wákilleri qatnastı.
Seminarda Qaraqalpaqstanda usı waqıtqa shekem “Baslamalı byudjet” joybarlarında jeńimpaz bolmaǵan 89 máhállege ayrıqsha itibar qaratıldı. Burın jeńimpaz bolǵan máhálle wákilleri joybarlardı tabıslı ámelge asırıw, xalıqtıń baslamaların qollap-quwatlaw hám jámiyetshilikti tartıw baǵdarındaǵı tájiriybeleri menen ortaqlastı.
Sonday-aq, jeńimpaz máhállelerdiń bunday máhállelerdi qollap-quwatlawı hám ámeliy járdem kórsetiwi boyınsha kelisip alındı. Máhállelerde joybarlardı nátiyjeli shólkemlestiriw, aldıńǵı tájiriybelerdi keńnen en jaydırıw hám joybarlardı sapalı ámelge asırıw boyınsha usınıslar berildi.
Qaraqalpaqstan xabar agentligi