Ózbekstan Respublikası Prezidenti Shavkat Mirziyoevti I dárejeli “Manas” ordeni menen sıylıqlaw máresimi bolıp ótti.

Qırǵız Respublikasınıń joqarı sıylıǵın mámleketimiz basshısına Prezident Sadir Japarov tapsırdı.

Ózbekstan jetekshisi tuwısqan Qırǵızstan Prezidenti hám xalqına tereń minnetdarshılıq bildirip, bul sıylıqtı eki xalıq arasındaǵı kóp ásirlik doslıq hám jaqsı qońsıshılıq baylanısların bekkemlew baǵdarındaǵı birgeliktegi háreketler jáne Ózbekstan hám Qırǵızstan qatnasıqların jańa tariyxıy basqısh – awqamlaslıq dárejesine alıp shıǵıwǵa qaratılǵan ulıwma umtılıslardıń joqarı tán alınıwı sıpatında qabıl etetuǵının atap ótti.

1996-jılı shólkemlestirilgen “Manas” ordeni Qırǵız Respublikasınıń joqarı mámleketlik sıylıqlarınan biri esaplanadı. Respublika hám sırt el puqaralarına mámlekechilik hám xalıqaralıq birge islesiwdi bekkemlew, xalıqlar arasında tınıshlıq, doslıq hám óz-ara túsinisiw baylanısların rawajlandırıwǵa qosqan úlken úlesi ushın beriledi.

ÓzA