Ózbekstan Respublikası Prezidenti Shavkat Mirziyoev Qırǵız Respublikası Prezidenti Sadir Japarovtıń mirát etiwine bola 30-iyul – 1-avgust kúnleri mámleketlik sapar menen usı elde boladı.

Joqarı dárejedegi sóylesiwlerde Ózbekstan – Qırǵızstan doslıq, jaqsı qońsıshılıq hám strategiyalıq sheriklik qatnasıqların jáne de bekkemlew, óz-ara sawda kólemin arttırıw, sanaat kooperaciyasın keńeytiw, transport tarawındaǵı óz-ara baylanıslılıqtı hám mádeniy-gumanitarlıq almasıwlardı rawajlandırıw máseleleri kórip shıǵıladı.

Mámleket basshıları xalıqaralıq hám regionallıq kún tártibindegi áhmiyetli máseleler boyınsha da pikir alısadı.

Sammittiń juwmaqları boyınsha Ózbekstan hám Qırǵızstan arasındaǵı kóp qırlı birge islesiwdi bunnan bılay da rawajlandırıwǵa qaratılǵan eki tárepleme hújjetler toplamına qol qoyıw rejelestirilgen.

Sapar baǵdarlamasına muwapıq, Prezidentimiz Oraylıq Aziya hám Ázerbayjan mámleket basshılarınıń rásmiy emes Másláhát ushırasıwı hám basqa da ilajlarda qatnasıwı názerde tutılǵan.

ÓzA