28-iyul kúni Nókis qalasındaǵı «Aq quw» kompleksinde «Keleshekke qádem» baǵdarlaması sheńberinde «TalabaExpo — 2026» kásiplik kórgizbesi bolıp ótti.

Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóyep, kórgizbe-yarmarkanıń ashılıwı múnásibeti menen jıynalǵanlardı qutlıqladı.

Ótkerilgen kѳrgizbe yarmarkasına 212 mákeme hám kárxanalar 1500 den aslam jumıs orınları menen qatnastı. Sonday-aq, jaslarımızǵa ózin-ózi bánt etiw hám ózleriniń biznesin jolǵa qoyıwı ushın 100 ge jaqın zárúrli ásbap-úskeneler, úy sharayatında biznes baslaw ushın kommerciyalıq bankler tárepinen jeńilletilgen kredit paketleri usınıldı.

Sonıń menen birge, ilaj sheńberinde bos jumıs orınları yarmarkası, jumıs beriwshiler menen ushırasıwlar, ámeliyat hám stajirovka baǵdarlamaları boyınsha prezentaciyalar, startap joybarlar kórgizbesi, «Ózmilliybank» tárepinen jeńilletilgen kreditler hám finanslıq sawatlılıq temasında seminarlar shólkemlestirildi.

– Bıyıl Nókis texnika universitetin pitkerip, usı ótkerilip atırǵan yarmarkaǵa ózime qolaylı jumıs izlep qatnastım hám paytaxtımızda jaylasqan oqıw orayına jumısqa ornalastım, – deydi ilaj qatnasıwshılarınıń biri Aynura Baltabaeva. – Usı orında yarmarkanı shólkemlestirgen barlıq mákeme hám shólkem basshılarına ózimniń minnetdarshılıǵımdı bildiremen.

Ótkerilgen ilajǵa Ózbekstan Respublikası Prezidentiniń mámleketlik keńesgóyi T.Xudaybergenov qatnastı.

Qaraqalpaqstan xabar agentligi