Ózbekstan Respublikası Prezidenti Shavkat Mirziyoevtiń Qazaqstan Respublikasınıń birinshi Prezidenti Nursultan Nazarbaev penen telefon arqalı sóylesiwi bolıp ótti.

Nursultan Nazarbaev mámleketimiz jetekshisin tuwılǵan kúni menen qızǵın qutlıqlap, oǵan shın júrekten bekkem densawlıq, shańaraqlıq baxıt-ıǵbal hám tabıslar, tuwısqan Ózbekstan xalqına bolsa tınıshlıq, turaqlı rawajlanıw hám abadanlıq tiledi.

Ózbekstan – Qazaqstan doslıq, jaqsı qońsıshılıq, strategiyalıq sheriklik hám awqamlaslıq qatnasıqları búgingi kúnde joqarı dárejege kóterilgeni hám barlıq tiykarǵı baǵdarlarda kóp tárepleme birge islesiw jedel pátlerde rawajlanıp atırǵanı úlken qanaatlanıwshılıq penen atap ótildi.