Ózbekstan Respublikası Prezidenti Shavkat Mirziyoev Sankt-Peterburg qalasınıń gubernatorı Aleksandr Beglov penen telefon arqalı sóylesti.

Aleksandr Beglov mámleketimiz basshısın tuwılǵan kúni menen qızǵın qutlıqlap, oǵan bekkem densawlıq, baxıt-ıǵbal hám úlken tabıslar tiledi.

Sóylesiw waqtında Ózbekstan aymaqlarınıń Sankt-Peterburg qalası menen eki tárepleme ámeliy birge islesiwin bunnan bılay da keńeytiw máseleleri kórip shıǵıldı.

“Jol kartası” tiykarında óz-ara tovar almasıwdıń kólemin arttırıw, jańa kooperaciya joybarların alǵa qoyıw hám jedel mádeniy-gumanitarlıq almasıwdı dawam ettiriwge qaratılǵan birgeliktegi ilajlardı kóriwge ayrıqsha itibar qaratıldı.

ÓzA