Ózbekstan Respublikası Prezidenti Shavkat Mirziyoev hám Rossiya Federaciyası Prezidenti Vladimir Putinniń telefon arqalı sóylesiwi bolıp ótti.

Sóylesiw aldında Rossiya jetekshisi mámleketimiz basshısın tuwılǵan kúni menen qızǵın qutlıqlap, oǵan bekkem densawlıq, baxıt-ıǵbal, dos Ózbekstan xalqınıń abadanlıǵı jolındaǵı jumısında jańa tabıslar tiledi.

Joqarı dárejede erisilgen kelisimlerdi ámelge asırıw sheńberinde Ózbekstan – Rossiya hár tárepleme strategiyalıq sheriklik hám awqamlaslıq qatnasıqların bunnan bılay da rawajlandırıw hám bekkemlewdiń áhmiyetli máseleleri dodalandı.

Óz-ara tovar almasıw kórsetkishleriniń ósiw pátlerin saqlap qalıw, tiykarǵı baǵdarlarda jetekshi kárxana hám kompaniyalardıń kooperaciyalıq joybarların alǵa qoyıw, eki el aymaqları arasındaǵı nátiyjeli birge islesiwdi keńeytiwge ayrıqsha itibar qaratıldı.

Mádeniy-gumanitarlıq almasıw jedel dawam etip atırǵanı úlken qanaatlanıwshılıq penen atap ótildi.

Ózbekstan hám Rossiya jetekshileri bolajaq eki tárepleme ilajlardıń rejesin de kórip shıqtı.

ÓzA