Ózbekstan Respublikası Prezidenti Shavkat Mirziyoev hám Ázerbayjan Respublikası Prezidenti Ilham Alievtiń telefon arqalı sóylesiwi bolıp ótti.

Ázerbayjan jetekshisi mámleketimiz basshısın tuwılǵan kúni menen qızǵın qutlıqlap, oǵan bekkem densawlıq, baxıt-ıǵbal hám juwapkershilikli mámleketshilik jumısında jańa tabıslar, Ózbekstannıń kóp milletli xalqına bolsa tınıshlıq, abadanlıq hám rawajlanıw tiledi.

Ózbekstan – Ázerbayjan strategiyalıq sheriklik hám awqamlaslıq qatnasıqların jáne de bekkemlew máseleleri kórip shıǵıldı.

Hár qıylı dárejedegi sóylesiwler dawam etpekte. Ótken háptede Tashkent qalasında bolıp ótken qospa Húkimetleraralıq komissiya hám Isbilermenler keńesi májilisleriniń nátiyjeli juwmaqları qanaatlanıwshılıq penen atap ótildi.

Bolajaq joqarı dárejedegi sammitke puqta tayarlıq kóriw, onıń ekonomikalıq kún tártibin anıq joybarlar hám baǵdarlamalar menen bayıtıw áhmiyetli ekenligi atap ótildi.