Ózbekstan Respublikası Prezidenti Shavkat Mirziyoev Qazaqstan Respublikası Prezidenti Qasım-Jomart Toqaev penen telefon arqalı sóylesti.

Qazaqstan Prezidenti mámleketimiz basshısın tuwılǵan kúni menen qızǵın qutlıqlap, oǵan bekkem densawlıq, shańaraqlıq baxıt-ıǵbal hám tuwısqan Ózbekstan xalqınıń abadanlıǵı jolındaǵı mámleketshilik jumısında jańa tabıslar tiledi.

Sóylesiw dawamında Ózbekstan menen Qazaqstan arasındaǵı jaqsı qońsıshılıq, strategiyalıq sheriklik hám awqamlaslıq qatnasıqların bunnan bılay da rawajlandırıw hám bekkemlew máseleleri dodalandı.

Barlıq baǵdarlarda óz-ara paydalı birge islesiw páti artıp atırǵanı, sonıń ishinde, tovar almasıw kólemi artıp atırǵanı, tiykarǵı tarmaqlarda áhmiyetli kooperaciya joybarları alǵa qoyılıp atırǵanı qanaatlanıwshılıq penen atap ótildi.

Mámleket basshıları regionallıq kún tártibindegi áhmiyetli máseleler boyınsha da pikir alıstı. Bolajaq eki hám kóp tárepleme ilajlar rejesin kórip shıqtı.

ÓzA