Ózbekstan Respublikası Prezidenti Shavkat Mirziyoev ámeliy sapar me-nen elimizge kelgen Ázerbayjan Respublikasınıń ekonomika ministri Mikoyil Jabborovtı qabılladı.

Ushırasıw aldınan joqarı mártebeli miyman mámleketimiz basshısına Ázerbayjan Prezidenti Ilham Alievtiń qızǵın sálemin hám jaqsı tileklerin jetkerdi.

Ózbekstan – Ázerbayjan strategiyalıq sheriklik hám awqamlaslıq qat-nasıqların, bárinen burın, sawda-ekonomikalıq tarawda jáne de rawajlandı-rıwdıń áhmiyetli máseleleri kórip shıǵıldı.

Ótken jılı tovar almasıw kólemi 15 procentke arttı, usı jıldıń ótken dáwirinde bolsa ósiw derlik 40 procentti quradı.

Qurılıs, energetika, geologiya, logistika, qarjı, janılǵı, toqımashılıq, turizm hám basqa da tarmaqlarda, sonıń ishinde, birgeliktegi Investiciyalıq kompaniyanıń qatnasıwında kooperaciya joybarları ámelge asırılmaqta.

Bolajaq joqarı dárejedegi ushırasıwlardıń ekonomikalıq kún tártibin puqta tayarlaw áhmiyetli ekenligi atap ótildi.

Usı mánide, bolıp ótken Húkimetleraralıq komissiya hám Isbilermenler keńesi májilisleriniń juwmaqları joqarı bahalandı. Sonday-aq, eki mámleket aymaqları forumınıń nátiyjeli ótiwin támiyinlew zárúr ekenligi atap ótildi.

ÓzA