Prezident Shavkat Mirziyoevtiń basshılıǵında máhállelerge jańa ortalıq alıp kiriw hám “máhálle jetiligi” jumısın jańasha shólkemlestiriw boyınsha videoselektor májilisi baslandı.

Mámleketimiz basshısı bıyıl infrastrukturanı jaqsılaw, adamlar hám isbilermenler ushın sharayat jaratıw maqsetinde rayonlarǵa ortasha 250 milliard sumnan, máhállelerge bolsa 5,5 milliard sumnan qarjı berilgenin atap ótti.

Rayon hákimleri hám máhálle basshılarınıń túsim boyınsha wákillikleri keńeytilgeni nátiyjesinde aymaqta qalatuǵın qosımsha dáramat 2 esege shekem kóbeydi. Rayonlarda ortasha 22 milliard sumnan qosımsha qarjı qaldı, máhálle byudjetine bolsa ortasha 150-200 million sum tústi.

– Bir sóz benen aytqanda, aymaqtaǵı máselelerdi sheshiw ushın hákimde de, máhálle baslıǵında da, ulıwma, “jetilik”tiń hár bir wákilinde resurs hám wákillik bar. Jetispey atırǵan tárepi – juwapkershilik hám intakerlik, – dedi Prezidentimiz.

ÓzA