Moynaq rayonındaǵı 95V124 «Shaǵırlı-Porlıtaw» avtomobil jolınıń 15-24 kilometri aralıǵında (9 km. aralıq) qara qaplamalı asfalt tósew jumısları baslanıw aldında. Házirgi waqıtta bul ushın zárúr tayarlıq jumısları baslap jiberilgen.

Bul jolǵa derlik 40 jıl dawamında jeterli itibar qaratılmaǵan. Uaqıttıń ótiwi menen joldıń qatnaw bólegi jaramsız jaǵdayǵa kelip, oylı-bálent jerleri kóbeyip, háreketleniw qıyınlasqan edi.

Búgingi kúnde Prezidentimizdiń arnawlı qararları tiykarında joldı ońlaw hám asfaltlaw jumısları jolǵa qoyılmaqta.

Jaqın kúnlerde usı aymaq turǵınları hám jolawshılar ushın, qáwipsiz, qolaylı hám zamanagóy jol sharayatı jaratıladı. Bul jumıslar tek ǵana jol infrastrukturasın jaqsılap qoymastan, al aymaq xalqınıń turmıs abadanlıǵın arttırıwǵa da xızmet etedi.

Qaraqalpaqstan xabar agentligi