Qaraqalpaqstan Respublikası Joqarǵı Keńesiniń Baslıǵı Amanbay Orınbaevtıń basshılıǵında isbilermenlerdi qollap-quwatlaw, jańa joybarlardı iske túsiriwde ushırasıp atırǵan mashqalalardı anıqlaw hám olardı saplastırıw máselelerine baǵıshlanǵan ushırasıw bolıp ótti.

Onda mebel islep shıǵarıwshı hám ónermentshilik penen shuǵıllanıwshı isbilermenlerdiń pikir-usınısları hám baslamaları tıńlandı.

Húrmetli Prezidentimizdiń basshılıǵında elimizde isbilermenlikti jáne de rawajlandırıw, olar ushın barlıq qolaylı sharayatlardı hám imkaniyatlardı jaratıw baǵdarında keń kólemli ilajlar ámelge asırılıp atırǵanın atap ótiw orınlı, Onda Qaraqalpaqstan ushın óz aldına qabıl etilgen tariyxıy párman hám qararlar bul baǵdardaǵı ilajlardıń kólemin jańa basqıshqa kótermekte.

Ótkerilgen ushırasıwda ayırım sebeplerge baylanıslı ushırasıp atırǵan mashqalalar boyınsha jaqınnan pikirlesildi.

Jańa jumıs orınların jaratıwǵa qaratılǵan hár qanday baslama barqulla qollap-quwatlanatuǵınlıǵı Joqarǵı Keńes Baslıǵı tárepinen ayrıqsha tilge alındı.

Ushırasıw dawamında búgingi kúnde isbilermenlerdi qıynap kiyatırǵan mashqalalar tıńlanıp, kóterilgen máselelerdiń basım kópshiligine ornında sheshimin tabıw ilajları kórildi.

Qaraqalpaqstan xabar agentligi