Májbúriy orınlaw byurosı Qaraqalpaqstan Respublikası basqarması hám onıń aymaqlıq bólimleri tárepinen sud qararlarına tiykarlanıp, puqaralar tárepinen ózbasımshalıq penen nızamsız qurılǵan qurılıslardı májbúriy buzıw jumısları ámelge asırılmaqta.

Máselen, puqaralıq isleri boyınsha Beruniy rayonlar aralıq sudınıń usı jıl 16-mart kúngi qararına tiykarlanıp, rayonnıń Turan mákan puqaralar jıyını Shabbaz massiviniń aymaǵındaǵı 224,8 kv.m. jer maydanına ózbasımshalıq penen qurılǵan fundamentti májbúriy buzıw hám jer maydanın jaramlı jaǵdayǵa keltiriw belgilengen.

Bul qarar boyınsha Májbúriy orınlaw byurosı Beruniy rayonı bólimi mámleketlik orınlawshısı tárepinen orınlaw háreketlerine kirisildi. Sonıń ishinde, juwapkerge nızamsız qurılıstı óz esabınan buzıwı kerek ekenligi haqqında bir neshe márte túsindiriw hám eskertiw berildi. Soǵan qaramastan, juwapker tárepinen nızamsız qurılıs ıqtıyarlı túrde saplastırılmaǵan.

Sol sebepli, bul nızamsız qurılıs usı jıldıń 3-iyul kúni Byuro xızmetkerleri tárepinen, arnawlı texnikalar járdeminde májbúriy buzıp taslandı.

Qaraqalpaqstan xabar agentligi