Ózbekstan Respublikası Prezidenti Shavkat Mirziyoev Belarus Respublikası Prezidenti Aleksandr Lukashenkonıń mirát etiwine bola 8-iyul kúni rásmiy sapar menen Minsk qalasına keldi.

Belarus paytaxtınıń xalıqaralıq aeroportında mámleketimiz basshısın Belarus Respublikası Bas ministri Aleksandr Turchin, sırtqı isler ministri Maksim Rijenkov hám basqa da rásmiyler kútip aldı.

Joqarı mártebeli miyman húrmetine eki eldiń mámleketlik bayraqları kóterildi hám húrmetli qarawıl sap tarttı.

Mámleketimiz basshısı Minsk qalasına kelgennen soń, Jeńis monumentine gúl qoydı.

Áskeriy orkestrdiń atqarıwında eki mámlekettiń gimnleri jańladı. Húrmetli qarawıl áskerleri saltanatlı túrde júrip ótti.

Rásmiy sapar sheńberinde Prezidentler Shavkat Mirziyoev hám Aleksandr Lukashenko rásmiy emes ushırasıw ótkerdi.

Belarus jetekshisi mámleketimiz basshısın qızǵın qutlıqlap, sapar ushın minnetdarshılıq bildirdi. Prezidentler bolajaq sóylesiwlerdiń kún tártibi boyınsha pikir alıstı.
Sapar aldında bolıp ótken ilajlar, sonıń ishinde, eki el isbilermen toparlarınıń qatnasıwındaǵı Aymaqlararalıq forumnıń juwmaqları joqarı bahalandı.

Sapardıń tiykarǵı ilajları 9-iyul kúni bolıp ótedi. Ǵárezsizlik sarayında Ózbekstan hám Belarus jetekshileri sóylesiw ótkeredi.

ÓzA