Kitap jańalıǵı

DMO Karakalpakstan jamiyetlik birlespesiniń direktorı Mels Qosnazarov Facebook sociallıq tarmaǵındaǵı óziniń jeke betinde «Marat hám bultlı dúnya qupıyası» kitabın inglis tiline awdarma islep, oqırmanlardıń názerine usınǵanın jazadı.

«Jaqında men sizler menen kitabımnıń rus tilindegi baspa nusqasınıń shıqqanı menen bólisken edim. Búgin bul waqıyanıń xalıqaralıq dawamı júz berdi! Balalar hám jas óspirimlerge arnalǵan tásirli eko-fantastika «Marat and the Secret of the Cloud World» atamasında dúnya júzilik Amazon platformasında rásmiy túrde inglis tiline awdarılıp, basıp shıǵarıldı!» dep keltiredi avtor.

Kitap oqıwshınıń itibarın dúnya tilsimlerge tolı ekenine qaratadı:

Ápiwayı jas óspirim Marat tosattan ájayıp sırdı ashadı. Jer tek adamlardıń ǵana mákanı emes. Kókte, bultlar arasında ásirler dawamında tábiyiy teńsalmaqlılıqtı saqlap kelgen sırlı tilsimler jasaydı. Biraq házir olardıń kúshi tawsılıp atır hám insaniyat tańlaw aldında tur: búlginshilikti dawam ettiriw yamasa qorǵaw ushın júrek etiw.

Bul kitap álleqashan óziniń tuńǵısh 5 juldızın, oqıwshılardıń unamlı pikirlerin alıwǵa úlgerdi. AQSh bazarında rásmiy reklama kampaniyası baslanıp, Amazonda kórkem bannerler saytqa jaylastırıldı. Hátteki, AQSh xam Kanadadaǵı oqırmanlar kitaptı satıp alıp basladı. Álbette, bul dóretiwshilik dúnyasındaǵı úlken jetiskenlik.

Jerlesimizdi dóretiwshilik jetiskenligi menen qutlıqlap, jańadan-jańa tabıslar tileymiz.

M.Igilikova,
Qaraqalpaqstan xabar agentligi